Þyrla brotlenti á þaki byggingar í New York

Þyrla brotlenti rétt um klukkan 18 í kvöld á byggingu á 7. breiðgötu í Manhattan. Samkvæmt fréttastofu ABC brotlenti þyrlan á þaki háhýsis.

Slökkvilið New York borgar var umsvifalaust kallað á vettvang en eldur kom upp í þyrlunni við brotlendinguna.

Ríkisstjóri New York ríkis, Andrew Cuomo, segir að mögulegt sé að einhver hafi látist í slysinu. Flugmálayfirvöld vestra segja allt benda til þess að um slys sé að ræða og segja að ekkert bendi til aðkomu hryðjuverkamanna.

Fréttin verður uppfærð.

MAN 2-ALARM 787 7 AVE, HIGH RISE HELICOPTER CRASH INTO BUILDING,

— FDNYalerts (@FDNYAlerts) June 10, 2019