Sjáðu dramatísk jöfnunarmark Arnórs Þórs gegn Grikkjum
Ísland gerði jafntefli við Grikkland, 28-28, á útivelli í undankeppni EM 2020 í dag.
Grikkir voru tveimur mörkum yfir, 28-26, þegar lokamínútan gekk í garð. Arnór Þór Gunnarsson minnkaði muninn úr vítakasti þegar 20 sekúndur voru eftir og kveikti vonarneista hjá íslenska liðinu.
Þegar tólf sekúndur voru eftir tók Grikkland leikhlé. Heimamenn þurftu aðeins að halda boltanum út leiktímann til að landa sigrinum en fóru illa að ráði sínu.
Þeir töpuðu boltanum, Aron Pálmarsson var fljótur að hugsa og sendi fram á Arnór Þór sem skoraði þegar þrjár sekúndur voru eftir og bjargaði stigi fyrir Ísland. Arnór Þór var markahæstur í íslenska liðinu með níu mörk.
Atburðarrásina undir lokin og jöfnunarmark Arnórs Þórs má sjá í myndbandinu hér fyrir neðan.
Never give up!Watch how @HSI_Iceland's Arnor Tor Gunnarsson leveled the score against @HellenicHandbal in some crazy last seconds.#ehfeuro2020 #dreamwinremember pic.twitter.com/IvPWPloI1S
— EHF EURO (@EHFEURO) June 12, 2019
Tengdar fréttir
Umfjöllun: Grikkland - Ísland 28-28 | Björguðu jafntefli gegn Grikkjum
Íslenska karlalandsliðið í handbolta gerði jafntefli við Grikki ytra í undankeppni EM 2020. Ísland mun nú leika úrslitaleik um beint sæti á EM gegn Tyrkjum á sunnudag.
Lettar komnir á EM í fyrsta sinn
Fimm lið tryggðu sér sæti á EM 2020 í handbolta karla í dag.
Norður-Makedónía komin á EM eftir nauman sigur í Tyrklandi
Kiril Lazarov og félagar eru komnir á EM 2020 í handbolta.
Logi ósáttur við frammistöðuna í Grikklandi: „Hryllingur að horfa á þetta“
Logi Geirsson var langt frá því að vera sáttur með frammistöðu Íslands gegn Grikklandi.
