Erlent

Innanríkisráðherra Breta skrifar undir framsalsbeiðni Assange

Birgir Olgeirsson skrifar
Assange var handtekinn í London í apríl.
Assange var handtekinn í London í apríl. NurPhoto/Getty

Innanríkisráðherra Bretlands hefur skrifað undir beiðni um að framselja Julian Assange til Bandaríkjanna þar sem hann á yfir höfði sér ákæru fyrir brot á njósnalögum.

Sajid Javid, innanríkisráðherra Breta, greindi frá þessu í morgun. Hann sagðist hafa skrifað undir framsalsbeiðnina sem mun fara fyrir breska dómstóla á morgun sem skera endanlega úr um það hvort Assange verður framseldur til Bandaríkjanna.

Assange er ákærður fyrir þátt sinn í að birta gögn sem Chelsea Manning lak árið 2010. Um var að að margvísleg leynileg skjöl, þar á meðal viðkvæmar hernaðarupplýsingar sem sneru að stríðsrekstri Bandraríkjanna í Afganistan og Írak, auk skjala úr utanríkisþjónustu Bandaríkjanna. Manning var sakfelld fyrir sinn þátt í lekanum árið 2013 en sleppt úr haldi árið 2017.

Assange dvelur nú í fangelsi í Bretlandi fyrir að brjóta gegn skilyrðum þess er hann var látinn laus úr haldi lögreglu þar í landi árið 2012. Bandarísk yfirvöld hafa farið fram á framsal hans. Saksóknarar í Svíþjóð hafa auk þess aftur opnað rannsókn á ásökunum gegn Julian Assange, stofnanda Wikileaks, um nauðgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.