Innlent

Ökumaðurinn alvarlega slasaður

Margrét Helga Erlingsdóttir skrifar
Þyrla Landhelgisgæslunnar sótti karl og konu sem slösuðust í bílveltu í Norðurárdal í gærkvöldi. Ökumaðurinn er alvarlega slasaður.
Þyrla Landhelgisgæslunnar sótti karl og konu sem slösuðust í bílveltu í Norðurárdal í gærkvöldi. Ökumaðurinn er alvarlega slasaður. Vísir/Erling

Alvarlegt umferðarslys varð á Vesturlandsvegi við Hreinsstaði í Norðurárdal klukkan 23.20 í gækvöldi. Kona og karl voru í bifreiðinni og voru flutt með þyrlu Landhelgisgæslunnar á Landspítalann í Fossvogi. Þyrlan lenti um eitt leytið í nótt. Ökumaður bifreiðarinnar er talinn alvarlega slasaður.

Ásmundur Kristinn Ásmundsson, aðstoðaryfirlögregluþjónn hjá lögreglunni á Vesturlandi, segir að mikill viðbúnaður hafi verið á vettvangi slyssins. Kalla þurfti út sjúkrabíl og slökkvilið sem kom frá Bifröst, lögreglu frá Borgarnesi og Akranesi sem og tæknideild frá höfuðborgarsvæðinu.

Ekkert bendir til þess að um hraðakstur hafi verið að ræða. Ásmundur segir að ökumaður hafi líklega misst stjórn á bifreiðinni í lausri möl í vegöxlinni með þeim afleiðingum að hann valt út af veginum. Áfram er unnið að rannsókn slyssins.

Lögregla lokaði fyrir umferð um Þjóðveginn þar til vinnu var lokið á vettvangi klukkan þrjú í nótt.

Mikill viðbúnaður var á vettvangi slyssins. Vísir/Erling

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.