Lífið

Stórmynd sem Baltasar átti að leikstýra í upp­námi vegna á­sakana í garð hand­rits­höfundar

Sylvía Hall skrifar
Fjölmargar konur hafa stigið fram og tjáð sig um ofbeldi af hálfu Max Landis.
Fjölmargar konur hafa stigið fram og tjáð sig um ofbeldi af hálfu Max Landis. Vísir/Getty

Ásakanir í garð handritshöfundarins Max Landis hafa komist í sviðsljósið eftir að átta konur stigu fram og sögðu hann hafa misnotað sig og beitt sig andlegu og líkamlegu ofbeldi. Landis er handritshöfundur kvikmyndarinnar Deeper sem átti að skarta Idris Elba í aðalhlutverki og hafði Baltasar Kormákur verið ráðinn leikstjóri myndarinnar en hann sagði sig síðar frá verkefninu.

Málið komst í hámæli eftir að Ani Baker, fyrrverandi kærasta Landis, birti viðvörun varðandi hann á samfélagsmiðlum sínum. Hún sagðist vilja vara aðrar konur við honum og veita þeim upplýsingar sem hún hefði sjálf viljað fá í upphafi sambands þeirra.


 
 
 
View this post on Instagram
If you have found my page via Max Landis, hi, I’m going to give you some direct info I wish I had gotten, because the experience/aftermath of this person is really destructive, and it will be riddled with pain and emotional work that you don’t need to spend your precious energy on. If you are close to him you will think he’s “honest” because he seems upfront about his shortcomings, but he’s not honest. He tells everyone a different story about his past, his “diagnoses” and his behavior. He leaves out the things you wouldn’t stand for. You’ll think he’s willing to change because he cops to his bad behavior, but he’s omitting the worst stuff, the horrifying stuff he knows you can’t handle and again, wouldn’t stand for. The stories he tells everyone about what he’s done to people in his life are different, too. He shifts them based on what he needs from you and what he thinks will get you and keep you, on his side. You’ll think he’s remorseful because he performs intense emotions; those emotions are SOLELY due to fear of consequences (finally) and they have nothing to do with the feelings of others. It took me close to three years to fully grasp this. He does not care about your feelings. You’ll think he loves you DIFFERENTLY because he’ll say so and he’ll spend more money than you’ve ever seen on trips and experiences that are new to you, and he’ll use the “right words,” sometimes, but pay attention to his ACTIONS, current and past. He will make you believe that his past doesn’t count because he’s different now. Even his past with YOU won’t count. You won’t be allowed to still be hurt about vicious things he did a few months ago, because he’s “different now.” He’s the same, he’s just trying different things. Pay attention to your own actions, too. How often are you crying? How much are you venting to friends and therapists? How often are you trying to improve yourself to please him? How often are you trying to make sense of aggressively confusing and hurtful behavior so that you can get back to internal peace?
A post shared by Ani Easton Baker (@nimblewill) on


„Ef þú fannst síðuna mína í gegnum Max Landis: Hæ, ég ætla að gefa þér nokkrar upplýsingar ég vildi að ég hefði fengið, því reynsla mín og afleiðingar sambands okkar eru mannskemmandi og eru uppfullar af sársauka og tilfinningalegri vinnu sem þú þarft ekki að eyða dýrmætri orku þinni í,“ skrifar Baker á Instagram.

Í samtali við The Daily Beast segir Baker viðbrögðin ekki hafa látið á sér standa. Hún hafi fengið mörg skilaboð frá konum sem höfðu sínar sögur að segja af Landis og segir hún þær fara versnandi.

„Með hverri sögu sem ég heyri hugsa ég: Hvernig gat ég haldið að ég þekkti þessa manneskju? Þetta er hræðilegt. Mér líður eins og ég þurfi að vera eins hreinskilin og mögulegt er þar sem markmið mitt í þessu er að hjálpa öðru fólki að lenda ekki í sömu stöðu,“ segir Baker.

Þetta er ekki í fyrsta sinn sem ásakanir í garð Landis koma fram en árið 2017 stigu nokkrar konur í kvikmyndaiðnaðinum fram og sögðu frá háttsemi Landis. Leikkonan Anna Akana svaraði til að mynda tísti frá Netflix þar sem nýjasta verkefni Landis var auglýst með orðunum: „Skrifað af geðsjúklingi sem ræðst á konur og beitir þær kynferðislegu ofbeldi? Frábært“.

Baltasar Kormákur átti að leikstýra myndinni Deeper sem Landis skrifaði handritið að. Vísir/Getty

Heimildarmaður segir myndina ekki lengur á borðinu 

Líkt og áður sagði er Landis handritshöfundur stórmyndarinnar Deeper en myndin átti að segja frá fyrrverandi geimfara sem er ráðinn til að sigla kafbát á dýpsta svæði hafsins. Yfirnáttúrulegir hlutir færu að gerast þegar geimfarinn nálgaðist áfangastaðinn.

Kvikmyndaverið MGM tryggði sér rétt á handritinu í apríl 2016 á uppboði. Leikarinn Bradley Cooper og leikstjórinn Kornel Mundruczo áttu að koma að myndinni en þegar tímasetninginn hentaði ekki var Baltasar Kormákur ráðinn sem leikstjóri og var Idris Elba orðaður við aðalhlutverkið.

Að sögn heimildarmanna hafa ásakanirnar gert það verkum að framleiðslu myndarinnar hefur verið frestað og að „falla í sundur“. Talsmaður kvikmyndaversins MGM hefur staðfest að kvikmyndaverið komi ekki lengur að verkefninu en ástæða þess er ekki gefin upp.

Landis sló fyrst í gegn þegar hann skrifaði handritið að myndinni Chronicle sem leikstjórinn Josh Trank leikstýrði. Myndin kom leikurum á borð við Michael B. Jordan og Dane DeHaan á kortið en í kjölfar útgáfu hennar fóru sögur að berast af hegðun Landis og sagðist hann meðal annars hafa haldið fram hjá kærustu sinni og hún hafi í kjölfarið fengið „lamandi félagskvíða, sjálfshatur, líkamsímyndarröskun og átröskun“.

Trank skrifaði á Twitter-síðu sína í gær að hann trúi öllum þeim konum sem hafa stigið fram og tjáð sig um ofbeldi af hálfu Landis. Hann hafi sjálfur bannað honum að mæta á viðburði tengda Chronicle og hafi ekki talað við hann frá árinu 2012.

„Að lesa um hryllinginn sem hann hefur valdið svo mörgum konum síðan þá fyllir mig viðbjóði. Hjartað mitt er mölbrotið,“ skrfaði Trank.


Uppfært 12:45:

Í samtali við fréttastofu segist Baltasar Kormákur hafa sagt sig frá verkefninu fyrir rúmlega hálfu ári síðan, meðal annars vegna ásakana í garð Landis. Það hafi verið sjálfstæð ákvörðun af hans hálfu og stuttu síðar hafi kvikmyndaverið ákveðið að draga sig úr verkefninu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.