Segir Heard hafa málað á sig marblettina

Kristín Ólafsdóttir skrifar 21. maí 2019 19:14

Depp og Heard í febrúar árið 2016, þremur mánuðum áður en Heard sótti um skilnað. Getty/John Shearer

Bandaríski leikarinn Johnny Depp þvertekur fyrir að hafa beitt Amber Heard, fyrrverandi eiginkonu sína, líkamlegu ofbeldi. Þvert á móti hafi það verið hún sem beitti hann ofbeldi. Þá sakar hann Heard einnig um að hafa málað á sig marbletti til að varpa sökinni á hann.

Þetta kemur fram í skjölum meiðyrðamáls sem Depp höfðaði gegn Heard eftir að hún lýsti meintu heimilisofbeldi af hans hálfu í viðtali við Washington Post. Heard fór fram á að málinu yrði vísað frá en Depp lagði þá fram ný gögn.

Sjá einnig: „Ég var logandi hrædd við skrímslið“

„Ég hef eindregið neitað ásökunum Heard síðan hún setti þær fyrst fram í maí árið 2016 þegar hún kom fyrir dómara til að fá tímabundið nálgunarbann [gegn Depp] með marbletti, sem voru málaðir á,“ er haft eftir Depp í skjölunum. Vitni og upptökur öryggismyndavéla sýni að Heard hafi ekki verið með marblettina dagana fram að fundinum með dómaranum.

Lögmaður Heard þvertekur fyrir þetta og segir hið sanna í málinu skýrt: Depp hafi látið hnefana dynja á fyrrverandi eiginkonu sinni.

Heard sótti um skilnað frá Depp árið 2016 en þau giftu sig í febrúar árið áður. Skilnaðurinn hefur verið hatrammur og hafa hjónin fyrrverandi ítrekað sakað hvort annað um heimilisofbeldi.

Bíó og sjónvarp MeToo Hollywood Deilur Johnny Depp og Amber Heard

Tengdar fréttir

„Ég var logandi hrædd við skrímslið“

Í gögnunum lýsir Heard ofbeldi sem hún segir að Depp hafi beitt sig er þau voru gift.

3. janúar 2019 23:23

Johnny Depp sagður vera einmana maður á villigötum

Prófíllinn sem dreginn er upp af Depp í þessu viðtali er ekki fagur. Hann er illa staddur fjárhagslega og stendur í lögsókn við fyrrverandi viðskiptastjóra sinn.

21. júní 2018 21:53

Johnny Depp kærður fyrir að ráðast á samstarfsfélaga sinn

Samstarfsmaður Depp á tökustað, Gregg Brooks, segir að kastast hafi í kekki milli hans og leikarans þegar tökur á atriði, sem Depp lék í, hafi ekki gengið sem skyldi.

10. júlí 2018 12:45

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.