Íslenski boltinn

Pepsi Max mörkin: Algjör óþarfi hjá Hauki Pál og Orra

Óskar Ófeigur Jónsson skrifar
Haukur Páll Sigurðsson og Orri Sigurður Ómarsson ræða málin fyrir aukaspyrnuna.
Haukur Páll Sigurðsson og Orri Sigurður Ómarsson ræða málin fyrir aukaspyrnuna. Vísir/Vilhelm

Pepsi Max mörkin skoðuðu nánar fyrsta mark FH-inga á móti Val í 5. umferð Pepsi Max deildar karla í fótbolta en markið kom eftir tvö brot Valsmanna.

FH-ingar fengu fyrst aukaspyrnu eftir brot Hauks Páls Sigurðssonar fyrir utan teig og svo vítaspyrnu úr henni eftir að Orri Sigurður Ómarsson braut að sér inn í teig.

Þorvaldur Örlygsson og félagar í Pepsi Max mörkunum fóru yfir þessi tvö brot sem Valsmenn voru ekki ánægðir með en voru rétt þegar betur var að gáð.

„Þetta var algjör óþarfi hjá Hauki Pál. Þeir fá aukaspyrnu, setja hana inn í teig og þá kemur annað klaufalegt brot,“ sagði Þorvaldur.

„Þar er hafsent með mikla reynslu, búinn að spila erlendis og annað, sem hrindir bara leikmanninum. Þetta er klaufalegt og óþarfi,“ sagði Þorvaldur.  

Það má sjá þessi brot og umfjöllun Pepsi Max markanna um þau í myndbandinu hér fyrir neðan.


Klippa: Brot í leik FH og Vals



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.