Ægir Þór Steinarsson, landsliðsmaður í körfubolta, og félagar hans í Regatas Corrientes báru sigurorð af San Martín, 100-89, í öðrum leik liðanna í 8-liða úrslitum um argentínska meistaratitilinn. Staðan í einvíginu er jöfn, 1-1. Vinna þarf þrjá leiki til að komast áfram.
Ægir gekk til liðs við Regates Corrientes fyrr í þessum mánuði. Hann lék með Stjörnunni í vetur og varð bæði deildar- og bikarmeistari með liðinu. Á lokahófi KKÍ var Ægir valinn varnarmaður ársins og í úrvalslið Domino's deildar karla.
Ægir var í byrjunarliði Regatas í leiknum í nótt og lék í 28 mínútur. Hann skoraði sex stig, tók fjögur fráköst og gaf sex stoðsendingar.
Þær mínútur sem Ægir var inni á vellinum vann Regatas með 25 stigum.
Þriðji leikur Regates og San Martin fer fram aðfaranótt þriðjudags.
Unnu með 25 stigum þegar Ægir var inni á vellinum
Tengd skjöl
Tengdar fréttir
Helena og Kristófer valin best annað tímabilið í röð
Íslandsmeistararnir Kristófer Acox hjá KR og Helena Sverrisdóttir hjá Val voru í dag valin bestu leikmenn Domino´s deildar karla og kvenna en þetta er annað árið í röð sem þau fá þessi verðlaun. Helena jafnaði met.
Tímabilið ekki búið hjá Ægi - farinn að spila í Argentínu
Ægir Þór Steinarsson mætti ekki á lokahóf KKÍ í dag þar sem hann var kosinn besti varnarmaðurinn og var einnig valinn í úrvalsliðið. Hann var samt löglega afsakaður enda kominn í nýtt lið í Argentínu.
