Körfubolti

Helena og Kristófer valin best annað tímabilið í röð

Óskar Ófeigur Jónsson skrifar
Kristófer Acox og Helena Sverrisdóttir.
Kristófer Acox og Helena Sverrisdóttir. Vísir/HBG
Íslandsmeistararnir Kristófer Acox hjá KR og Helena Sverrisdóttir hjá Val voru í dag valin bestu leikmenn Domino´s deildar karla og kvenna en þetta er annað árið í röð sem þau fá þessi verðlaun. Helena jafnaði met.

Hilmar Smári Henningsson úr Haukum og Birna Valgerður Benónýsdóttir úr Keflavík voru valin bestu ungu leikmennirnir en Birna var að fá þau verðlaun í annað skiptið.  

Bestu þjálfararnir voru Borche Ilievski hjá ÍR og Benedikt Guðmundsson hjá KR en Sigmundur Már Herbertsson var kosinn besti dómarinn í Domino´s deildunum. Benedikt fékk líka þessi sömu verðlaun þegar hann þjálfaði síðast í deildinni tímabilið 2009-10.

Sigmundur Már Herbertsson var kosinn besti dómarinn fimmta árið í röð og alls í þrettánda sinn frá árinu 2005.

Bestu varnarmenn tímabilsins voru Stjörnufólkið Auður Íris Ólafsdóttir og Ægir Þór Steinarsson en Ægir var einnig kosinn prúðasti leikmaður deildarinnar. Haukakonan Þóra Kristín Jónsdóttir var prúðust hjá konunum.

Bestu erlendu leikmenn tímabilsins voru Julian Boyd hjá KR og Brittanny Dinkins hjá Keflavík.

Kristófer Acox er aðeins sá þriðji í sögunni sem nær að vera bestur í úrvalsdeild karla tvö tímabil í röð en hinir eru þeir Pálmar Sigurðsson (1986 og 1987) og Valur Ingimundarson (1984 og 1985).

Helena Sverrisdóttir jafnaði líka met Önnu Maríu Sveinsdóttur með því að vera kosin best í sjötta sinn á ferlinum en hún fékk einnig verðlaunin árin 2005, 2006, 2007, 2016 og 2018. Annar María var þrisvar sinnum kosin best tvö ár í röð eða árin 1988-89, 1995-96 og 1998-99.

Valur vann þrefalt í vetur eða alla titla í boði en Helena er samt bara eini Valsarinn sem fékk verðlaun á þessu lokahófi. Valur átti aðeins Helenu í úrvalsliði tímabilsins. Íslandsmeistarar KR áttu líka aðeins einn leikmann í úrvalsliðinu.

Hlynur Bæringsson var valinn í úrvalsliðið í tíunda sinn á ferlinum og Bryndís Guðmundsdóttir var valin í áttunda skiptið í lið ársins hjá konunum.

Hér fyrir neðan má sjá öll verðlaunin sem voru afhent á lokahófi KKÍ í dag. Þjálfari, fyrirliði og formaður hvers félags höfðu atkvæðarétt að þessu sinni.



Domino’s-DEILD KVENNA 2018-2019

- - - - - - - - - - - - - - - - - - - - - - - - - - - - - - -

BESTI VARNARMAÐUR Domino’s deildar kvenna 2018-2019

Auður Íris Ólafsdóttir · Stjarnan

BESTI UNGI LEIKMAÐUR Domino’s deildar kvenna 2018-2019 (f. 2000 eða síðar)

Birna Valgerður Benónýsdóttir · Keflavík

PRÚÐASTI LEIKMAÐUR Domino’s deildar kvenna 2018-2019 (valið af dómurum)

Þóra Kristín Jónsdóttir · Haukar

BESTI ERLENDI LEIKMAÐUR Domino’s deildar kvenna 2018-2019

Brittanny Dinkins · Keflavík  

BESTI ÞJÁLFARI Domino’s deildar kvenna 2018-2019

Benedikt Guðmundsson · KR

ÚRVALSLIÐ Domino’s-DEILDAR KVENNA 2018-2019

Þóra Kristín Jónsdóttir · Haukar (2. sinn, 2018)

Gunnhildur Gunnarsdóttir · Snæfell (2. sinn, 2016)                    

Helena Sverrisdóttir · Valur (6. sinn, 2018, 2016, 2007, 2006, 2005)              

Bríet Sif Hinriksdóttir · Stjarnan (1. sinn)                

Bryndís Guðmundsdóttir · Keflavík (8. sinn, 2016, 2015, 2014, 2013, 2011, 2007, 2005)   

                                      

BESTI LEIKMAÐUR Domino’s deildar kvenna 2018-2019

Helena Sverrisdóttir · Valur



Domino’s-DEILD KARLA 2018-2019

- - - - - - - - - - - - - - - - - - - - - - - - - - - - - - -

BESTI VARNARMAÐUR Domino’s deildar karla 2018-2019

Ægir Þór Steinarsson · Stjarnan

BESTI UNGI LEIKMAÐUR Domino’s deildar karla 2018-2019 (f. 2000 eða síðar)

Hilmar Smári Henningsson · Haukar

PRÚÐASTI LEIKMAÐUR Domino’s deildar karla 2018-2019 (valið af dómurum)

Ægir Þór Steinarsson · Stjarnan

BESTI ERLENDI LEIKMAÐUR Domino’s deildar karla 2018-2019

Julian Boyd · KR

BESTI ÞJÁLFARI Domino’s deildar karla 2018-2019

Borche Ilievski · ÍR    

ÚRVALSLIÐ Domino’s DEILDAR KARLA 2018-2019

Matthías Orri Sigurðarson · ÍR (2. sinn, 2017)

Ægir Þór Steinarsson · Stjarnan (1. sinn)

Kristófer Acox · KR (2. sinn, 2018)

Hlynur Bæringsson · Stjarnan (10. sinn, 2018, 2017, 2010, 2008, 2007, 2005, 2004, 2003, 2002)

Sigurður Gunnar Þorsteinsson · ÍR (5. sinn, 2013, 2012, 2011, 2009)

BESTI LEIKMAÐUR Domino’s deildar karla 2018-2019

Kristófer Acox · KR

BESTI DÓMARI Domino’s deilda karla og kvenna 2018-2019  (Báðar deildir)

Sigmundur Már Herbertsson



1. deild kvenna 2018-19

 - - - - - - - - - - - - - - - - - - - - -

Besti ungi leikmaðurinn

Vilborg Jónsdóttir · Njarðvík

Besti erlendi leikmaður ársins

Tessondra Williams · Tindastóll

 

Þjálfari ársins

Jóhann Árni Ólafsson · Grindavík

Úrvalslið 1. deildar kvenna 2018-2019

Kamilla Sól Viktorsdóttir · Njarðvík

Hrund Skúladóttir · Grindavík

Sylvía Rún Hálfdánardóttir · Þór Akureyri

Rut Herner Konráðsdóttir · Þór Akureyri

Hulda Ósk Bergsteinsdóttir · Fjölnir

 

Leikmaður ársins í 1. deild kvenna 2018-2019

Hrund Skúladóttir · Grindavík

1. deild karla 2018-19

- - - - - - - - - - - - - - - - - - - - -

Besti ungi leikmaðurinn

Júlíus Orri Ágústsson · Þór Akureyri

 

Besti erlendi leikmaður ársins

Larry Thomas · Þór Akureyri

Þjálfari ársins

Lárus Jónsson · Þór Akureyri

Úrvalslið 1. deildar karla 2018-2019

Júlíus Orri Ágústsson · Þór Akureyri

Róbert Sigurðsson · Fjölnir

Eysteinn Ævarsson · Höttur

Snjólfur Marel Stefánsson · Selfoss

Pálmi Geir Jónsson · Þór Akureyri

 

Leikmaður ársins í 1. deild karla 2018-2019

Róbert Sigurðsson · Fjölnir




Fleiri fréttir

Sjá meira


×