Innlent

Leggur til að Þjóðarsjóður sniðgangi fjárfestingar í mengandi iðnaði

Margrét Helga Erlingsdóttir skrifar
Andrés Ingi Jónsson stakk upp á fjórum leiðum til að sporna gegn loftslagsbreytingum af mannavöldum.
Andrés Ingi Jónsson stakk upp á fjórum leiðum til að sporna gegn loftslagsbreytingum af mannavöldum.

Ein af fjórum uppástungum til að sporna gegn hamfarahlýnun af mannavöldum sem Andrés Ingi Jónsson, þingmaður vinstri hreyfingarinnar – græns framboðs, bar fram á Alþingi í dag lýtur að því að Þjóðarsjóður myndi sniðganga mengandi iðnað og gera hann þannig að grænum fjárfestingasjóði.

Andrés Ingi hélt mikla eldræðu um loftslagsmál á Alþingi í dag undir liðnum störf þingsins.

Hann hóf ræðu sína á umfjöllun um sænsku hugsjónastúlkuna Gretu Thunberg sem hefur á hverjum föstudegi í marga mánuði setið fyrir utan sænska þingið í svokölluðu „skólaverkfalli“ og mótmælt seinagangi stjórnvalda í loftslagsmálum. Hún hefur sakað ráðamenn heimsins um að ræna framtíð barna sinna fyrir framan nefið á þeim.

Andrés segir að þegar Greta hafi vaknað til meðvitundar um umfang vandans hafi hún náð virkja heila kynslóð til aðgerða og fengið hana með sér í loftslagsverkfall hvern föstudag.

Íslensk ungmenni hafa í marga mánuði efnt til loftslagsmótmæla á föstudögum á Austurvelli. Vilhelm

„Þau fylla stræti og torg um allan heim hvern föstudag og mótmæla aðgerðarleysi í loftslagsmálum. Unga fólkið er vaknað. Heimurinn er að vakna og við sem hér sitjum þurfum líka að vakna. Við eigum fjöldan allann af aðgerðaráætlunum. Þeim þarf að tryggja fjármagn og þær þarf að gera betri og metnaðarfyllri á hverjum degi,“ sagði Andrés.

Andrés spurði þingheim hvort téðar aðgerðaráætlanir séu yfir höfuð nóg; hvort vandinn sé orðinn það knýjandi að lýsa þurfi yfir neyðarástandi í loftslagsmálum. Áður en til þess komi sagði Andrés að nærtækt væri að líta í kringum sig og finna dæmi um breytingar sem hægt sé að hrinda í framkvæmd því sem næst tafarlaust.

„Hvernig væri að klára frumvarp mitt um að leggja til hliðar allar hugmyndir um olíuvinnslu á vegum Íslands? Þannig sýnum við svo ekki verði um villst að sá iðnaður sé arfur fortíðar,“ sagði Andrés.

Hann stakk auk þess upp á því að þingmenn myndu neita að taka á móti samgönguáætlun í haust nema að hún boðaði alvöru byltingu í sjálfbærum samgöngum.

Andrés lauk máli sínu á hugvekju um lækkun kosningaaldurs.

„Og loks gætum við litið á Gretu sjálfa sem brennur af þessari hugsjón 16 ára. Hversu miklu betra gæti samfélagið verið ef hún og jafnaldrar hennar hefðu ekki bara rödd til að vekja okkur heldur líka völdin til að láta okkur gjalda þess í kjörklefanum ef við vöknum ekki?“


Tengdar fréttir

Gagnrýndi leiðtoga Evrópusambandsins fyrir aðgerðarleysi

Umhverfisaðgerðarsinninn Greta Thunberg gagnrýndi leiðtoga Evrópusambandsins fyrir að hafa haldið þrjár neyðarfundi til að ræða útgöngu Breta úr Evrópusambandinu en engan tileinkaðan þeirri ógn sem steðjar að vegna loftslagsbreytinga.

Hrósar ungu fólki fyrir að skrópa í skólanum

Rúmlega ein milljón hefur slegist í hópinn frá því Thunberg settist á tröppurnar. 15. mars efndu ungmenni til loftslagsmótmæla á 2000 mismunandi stöðum í 125 ríkjum. Hvort heldur sem er í Nýja Sjálandi eða Suður-Kóreu, Indlandi eða Íslandi.

Frumvarp um þjóðarsjóð lagt fram í ríkisstjórn á næstunni

Bjarni Benediktsson, fjármála- og efnahagsráðherra, hyggst á næstunni leggja fram í ríkisstjórn frumvarp til laga um þjóðarsjóð en í sjóðinn munu renna allar tekjur ríkisins af nýtingu orkuauðlinda. Markmið sjóðsins verður að mæta afleiðingum af meiri háttar ófyrirséðum áföllum á þjóðarbúið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.