Fótbolti

Guðmundur lagði upp sigurmark í uppbótartíma

Ingvi Þór Sæmundsson skrifar
Guðmundur hefur leikið vel með Norrköping síðan hann gekk í raðir liðsins frá Rosenborg.
Guðmundur hefur leikið vel með Norrköping síðan hann gekk í raðir liðsins frá Rosenborg. vísir/daníel

Guðmundur Þórarinsson lagði upp sigurmark Norrköping gegn Falkenberg í 4. umferð sænsku úrvalsdeildarinnar í dag. Lokatölur 4-3, Norrköping í vil.

Allt benti til þess að leikurinn myndi enda með jafntefli eftir að Falkenberg jafnaði í 3-3 á 87. mínútu. En þegar þrjár mínútur voru komnar fram yfir venjulegan leiktíma lagði Guðmundur upp mark fyrir Kasper Larsen sem tryggði Norrköping stigin þrjú. 

Norrköping var manni færri síðustu 20 mínúturnar eftir að Jordan Larsson, sem skoraði tvö marka liðsins, fékk að líta sitt annað gula spjald og þar með rautt.

Þetta var fyrsti sigur Norrköping á tímabilinu. Liðið er í 6. sæti deildarinnar með fimm stig.

Kolbeinn Sigþórsson var ekki í leikmannahópi AIK sem tapaði, 2-1, fyrir Örebro á útivelli. AIK, sem er ríkjandi meistari, er með fimm stig í 5. sæti deildarinnar.

Þá gerðu Östersund og Elfsborg 1-1 jafntefli.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.