Aprílspá Siggu Kling – Bogmaðurinn: Vertu viss í ástinni og starfsframa

Elsku Bogmaðurinn minn, þú ert svo mikið að ná áttum, þú finnur hvað þú getur og þú ert á leið út úr öllum ógöngum það er eins og allir vilji rétta þér hjálparhönd, fólk sem þú treystir ekki brosir til þín og þú sérð lífið í meiri ljóma. Þó að sorgin hafi snert þig þá mun hún verða styrkur þinn í framtíðinni.

Þú þarft kannski að hafa fyrir ástinni, alveg eins og maður þarf að hafa fyrir hlutunum, svo þú verður bara að nenna að gera meira og þá færðu það sem þú vilt í ástamálunum. Með líkamlegu og andlegu jafnvægi mun þér svo bjóðast hinn hárrétti faðmur á hárréttum tíma.

Lífið þitt verður ekki betra breytinganna vegna svo vertu viss í ástinni og starfsframa að þetta sé nákvæmlega það sem þú villt. Þú ert staddur undir regnboga, svo óskaðu þér af fullum krafti, því ekkert mun hindra þig í þetta sinn. Margir íhuga flutninga og breytinga á stöðu og allt verður með besta móti, bara þegar þú stendur upp.

Það koma til þín óvenjulegustu gjafir, ef þig vantar sófasett færðu það upp í hendurnar, ef þig langar í ferðalag er eins og allt í einu einhver komi og stingi upp á því eða þér verði jafnvel boðið í það.

Það eina sem fer þér ekki hjartans gull er að vorkenna þér, þú þarft þess ekki því það er sigur fólginn í hverju andartaki sem hittir þig. Það getur vel verið að það taki þig langan tíma til að vita hvar þú vilt vera og búa, en þegar þú hefur fundið rétta staðinn þá stoppar þig ekkert.

Ilmur skiptir þig miklu máli, svo hafðu notalega lykt þar sem þú býrð og gleymdu ekki að nota uppáhalds ilmvatnið þitt. Þú raðar saman smáatriðum af list á næstunni og úr því verður mikil hamingja.

Knús og kossar, þín Sigga Kling

Frægir Bogmenn: Ingvar E. Sigurðsson leikari, Björgvin Franz Gíslason leikari, Edda Heiðrún Backman leikkona, Regína Ósk Óskarsdóttir söngkona, Sigrún í Gyðja Collection, Steindi, Bryndís Ásmundsdóttir, leik- og söngkona, Jóhanna Vilhjálmsdóttir, fjallkona og leikkona, Logi Bergmann Eiðsson sjónvarpsmaður, Jói á Fabrikkunni, Sigga Dögg kynfræðingur, Hemmi, hársnillingur á Módus, Lovísa, hönnuður hjá Kjólar og konfekt, Kjartan Kjartansson athafnamaður.