Gervigreind í daglegu amstri Heimir Fannar Gunnlaugsson skrifar 21. mars 2019 09:52 Árið er 2019 og mörgum finnst eins og að tæknin hafi litlu breytt varðandi okkar daglega líf. Það þarf ennþá að sinna daglegum og jafnvel frekar leiðinlegum verkefnum eins og að fara út í búð eftir því nauðsynlegasta eða fara til læknis út af einhverju augljósu meini til þess eins að geta sótt lyf í apótekið. Gervigreind er nú þegar farin að hjálpa okkur með marga af þessum hlutum. Það sem kemur okkur mannfólkinu hvað mest á óvart er hverju gervigreind bætir við okkar eigin hugmyndir að lausnum eða útfærslum. Við teljum okkur klókari en tölvur og því kemur það okkur á óvart þegar tölvurnar koma með hugmyndir sem við höfðum sjálf ekki hugsað fyrir. Í þessu sambandi mæli ég með myndinni AlphaGo á Netflix. Hvað er í matinn? Hver kannast ekki við spurninguna „Hvað er í matinn?“. Líklega væru flestir til í að sleppa við að velta þessari spurningu fyrir sér á hverjum degi. Tæknin getur hjálpað okkur í amstri hversdagsleikans. Verslunareigendur geta safnað miklu magni upplýsinga um sína viðskiptavini, þeim sem og viðskiptavininum til hagsbóta. Með því að skrá vörukaup eða notkun hvers viðskiptavinar í gegnum til dæmis vildarkort, verða til upplýsingar sem geta verið viðskiptavinum til hagsbóta. Í Hollandi hefur verslunarrisinn Albert Heijn áttað sig á þessu og unnið náið með Microsoft við að þróa leiðir til að nýta gervigreind til að þjóna viðskiptavinum sínum betur. Nú geta viðskiptavinir Albert Heijn fengið tillögur að matseðli eða vörum sem þeir hafa áhuga á, byggt á kauphegðun undanfarinna mánaða eða jafnvel ára. Einnig geta viðskiptavinir verslað í gegnum smáforrit í símanum, kippt með sér hádegismatnum eða snarlinu og labbað beint út úr versluninni. Þetta er skýrt dæmi um það hvernig tæknin getur hjálpað okkur að svara erfiðustu spurningu dagsins. Þarftu að bíða of lengi eftir lækni? Með réttri notkun á upplýsingatækni sé ég líka fyrir mér að við Íslendingar getum gert heilbrigðisþjónustuna aðgengilegri fyrir alla landsmenn. Í stað þess að bíða í nokkrar vikur eftir tíma hjá lækni gætum við fengið heilbrigðisþjónustu strax í gegnum símana okkar með hjálp myndavélatækni. Á hinum endanum yrði „læknir“ sem byggir á gervigreind og getur greint um 80% af þeim fyrirspurnum sem koma í gegnum þessa leið. Í framhaldi af greiningu væri síðan jafnvel hægt að senda lyfseðil beint í apótekið. Öll tæknin til að framkvæma þetta er til reiðu en við sem notum þjónustuna erum kannski síður tilbúin og sennilega er heilbrigðiskerfið minna tilbúið. Það er hins vegar ljóst að með því að nýta þessa tækni með réttum hætti er hægt að stytta biðtíma eftir heilbrigðisþjónustu á sama tíma og hún verður aðgengilegri og hagkvæmari fyrir alla. Eftir hverju erum við að bíða? Mér segir svo hugur að þessar breytingar séu í farvatninu á Íslandi. Við erum lítill markaður þar sem taka þarf tillit til fjölbreytts viðskiptamannahóps og þar getur nýjasta tækni hjálpað mikið. Tæknin er til staðar en spurningin er fyrst og fremst hvort fyrirtækin í landinu, hið opinbera og ekki síst við sjálf erum tilbúin til að nýta hana til að einfalda og bæta okkar daglega líf? Eftir hverju erum við að bíða? Höfundur er framkvæmdastjóri Microsoft á Íslandi. Viltu birta grein á Vísi? Sendu okkur póst. Senda grein Mest lesið Kveikur brennur út Þorsteinn Sæmundsson Skoðun Ólafur og Katrín á RÚV Þorvaldur Logason Skoðun Má spyrja homma að öllu? Sólborg Guðbrandsdóttir Skoðun Enga saltdreifara á Bessastaði takk Skírnir Garðarsson Skoðun Bóndi hvað! Sigríður Ævarsdóttir Skoðun Gætir þú lifað af örorkubótum? Guðmunda G. Guðmundsdóttir Skoðun Góð manneskja í djobbið Halldór Guðmundsson Skoðun Að velja forseta Stefán Bogi Sveinsson Skoðun Úthvíld ríkisstjórn? Þorbjörg Sigríður Gunnlaugsdóttir Skoðun Þessu skal troðið ofan í kokið á okkur sama hvað Guðrún Sigurjónsdóttir Skoðun Skoðun Skoðun Hippókratesareiðurinn þarf að verða að veruleika Matthildur Björnsdóttir skrifar Skoðun Ólafur og Katrín á RÚV Þorvaldur Logason skrifar Skoðun Úthvíld ríkisstjórn? Þorbjörg Sigríður Gunnlaugsdóttir skrifar Skoðun Raforkan er auðlind þjóðarinnar Guðríður Eldey Arnardóttir skrifar Skoðun Að velja forseta Stefán Bogi Sveinsson skrifar Skoðun Biskupskjör: Stuðningsyfirlýsing Hákon Leifsson,Sigrid Rolof skrifar Skoðun Kennslustund í „selfies“ Anna Gunndís Guðmundsdóttir skrifar Skoðun Synjunarvald gegn virkjunum Jón Steinar Gunnlaugsson skrifar Skoðun Bóndi hvað! Sigríður Ævarsdóttir skrifar Skoðun Dagsbirtan lyftir andanum Hólmfríður Ósmann Jónsdóttir,Hrefna Björg Þorsteinsdóttir skrifar Skoðun Kveikur brennur út Þorsteinn Sæmundsson skrifar Skoðun Gætir þú lifað af örorkubótum? Guðmunda G. Guðmundsdóttir skrifar Skoðun Spurt og svarað um útlendingamál Indriði Stefánsson skrifar Skoðun Jafnaðarmannastefnan – stefna velferðar Sigfús Ómar Höskuldsson skrifar Skoðun Bóndi hvað! Sigríður Ævarsdóttir skrifar Skoðun Guðrún - Réttlátur og víðsýnn biskup sem fylgir samtímanum Rannveig Iðunn Ásgeirsdóttir skrifar Skoðun Má spyrja homma að öllu? Sólborg Guðbrandsdóttir skrifar Skoðun Enn og aftur sumarlokun hjá SÁÁ Sigmar Guðmundsson skrifar Skoðun Fjárveitingar til vegamála standast engan samanburð Björn Bjarki Þorsteinsson skrifar Skoðun Aumingja Evrópa: Líkleg átakasvæði að Úkraínustríðinu loknu? Hilmar Þór Hilmarsson skrifar Skoðun Biskupsval Sigfinnur Þorleifsson,Vigfús Bjarni Albertsson skrifar Skoðun Afmennska að bjarga ekki dýrum í neyð! Anna Berg Samúelsdóttir skrifar Skoðun Þessu skal troðið ofan í kokið á okkur sama hvað Guðrún Sigurjónsdóttir skrifar Skoðun Hvað er ofurhagnaður? Gústaf Steingrímsson skrifar Skoðun Góð manneskja í djobbið Halldór Guðmundsson skrifar Skoðun Afkomuviðvörun Jón Ingi Hákonarson skrifar Skoðun Hver er þinn innri áttaviti? Signý Gyða Pétursdóttir skrifar Skoðun Eins og sandur úr greip Jón Steindór Valdimarsson skrifar Skoðun Enga saltdreifara á Bessastaði takk Skírnir Garðarsson skrifar Skoðun Hvernig forseta vilt þú? Valdís Arnarsdóttir skrifar Sjá meira
Árið er 2019 og mörgum finnst eins og að tæknin hafi litlu breytt varðandi okkar daglega líf. Það þarf ennþá að sinna daglegum og jafnvel frekar leiðinlegum verkefnum eins og að fara út í búð eftir því nauðsynlegasta eða fara til læknis út af einhverju augljósu meini til þess eins að geta sótt lyf í apótekið. Gervigreind er nú þegar farin að hjálpa okkur með marga af þessum hlutum. Það sem kemur okkur mannfólkinu hvað mest á óvart er hverju gervigreind bætir við okkar eigin hugmyndir að lausnum eða útfærslum. Við teljum okkur klókari en tölvur og því kemur það okkur á óvart þegar tölvurnar koma með hugmyndir sem við höfðum sjálf ekki hugsað fyrir. Í þessu sambandi mæli ég með myndinni AlphaGo á Netflix. Hvað er í matinn? Hver kannast ekki við spurninguna „Hvað er í matinn?“. Líklega væru flestir til í að sleppa við að velta þessari spurningu fyrir sér á hverjum degi. Tæknin getur hjálpað okkur í amstri hversdagsleikans. Verslunareigendur geta safnað miklu magni upplýsinga um sína viðskiptavini, þeim sem og viðskiptavininum til hagsbóta. Með því að skrá vörukaup eða notkun hvers viðskiptavinar í gegnum til dæmis vildarkort, verða til upplýsingar sem geta verið viðskiptavinum til hagsbóta. Í Hollandi hefur verslunarrisinn Albert Heijn áttað sig á þessu og unnið náið með Microsoft við að þróa leiðir til að nýta gervigreind til að þjóna viðskiptavinum sínum betur. Nú geta viðskiptavinir Albert Heijn fengið tillögur að matseðli eða vörum sem þeir hafa áhuga á, byggt á kauphegðun undanfarinna mánaða eða jafnvel ára. Einnig geta viðskiptavinir verslað í gegnum smáforrit í símanum, kippt með sér hádegismatnum eða snarlinu og labbað beint út úr versluninni. Þetta er skýrt dæmi um það hvernig tæknin getur hjálpað okkur að svara erfiðustu spurningu dagsins. Þarftu að bíða of lengi eftir lækni? Með réttri notkun á upplýsingatækni sé ég líka fyrir mér að við Íslendingar getum gert heilbrigðisþjónustuna aðgengilegri fyrir alla landsmenn. Í stað þess að bíða í nokkrar vikur eftir tíma hjá lækni gætum við fengið heilbrigðisþjónustu strax í gegnum símana okkar með hjálp myndavélatækni. Á hinum endanum yrði „læknir“ sem byggir á gervigreind og getur greint um 80% af þeim fyrirspurnum sem koma í gegnum þessa leið. Í framhaldi af greiningu væri síðan jafnvel hægt að senda lyfseðil beint í apótekið. Öll tæknin til að framkvæma þetta er til reiðu en við sem notum þjónustuna erum kannski síður tilbúin og sennilega er heilbrigðiskerfið minna tilbúið. Það er hins vegar ljóst að með því að nýta þessa tækni með réttum hætti er hægt að stytta biðtíma eftir heilbrigðisþjónustu á sama tíma og hún verður aðgengilegri og hagkvæmari fyrir alla. Eftir hverju erum við að bíða? Mér segir svo hugur að þessar breytingar séu í farvatninu á Íslandi. Við erum lítill markaður þar sem taka þarf tillit til fjölbreytts viðskiptamannahóps og þar getur nýjasta tækni hjálpað mikið. Tæknin er til staðar en spurningin er fyrst og fremst hvort fyrirtækin í landinu, hið opinbera og ekki síst við sjálf erum tilbúin til að nýta hana til að einfalda og bæta okkar daglega líf? Eftir hverju erum við að bíða? Höfundur er framkvæmdastjóri Microsoft á Íslandi.
Skoðun Guðrún - Réttlátur og víðsýnn biskup sem fylgir samtímanum Rannveig Iðunn Ásgeirsdóttir skrifar