Körfubolti

Duke skreið inn í 16-liða úrslit | Myndband

Henry Birgir Gunnarsson skrifar
Zion Williamson fagnar í leikslok í gær.
Zion Williamson fagnar í leikslok í gær. vísir/getty

Úrslitakeppnin í bandaríska háskólakörfuboltanum stendur nú sem hæst og þar eru flestra augu á hinu magnaða liði Duke sem er með undrabarnið Zion Williamson í broddi fylkingar.

Duke mætti UCF í gær í 32-liða úrslitum og var ótrúlega heppið að komast áfram.

Leikur liðanna var æsispennandi og Duke var með eins stigs forskot fyrir lokasókn UCF. UCF komst eins nálægt því og hægt var að stela sigrinum af Duke og senda þá úr mótinu.



Leikmenn UCF fengu tvö skot af stuttu færi til þess að skora sigurkörfuna en boltinn vildi ekki ofan í. Seinna skotið dansaði eftir hringnum áður en hann fór af honum. Millimetraspursmál.

Zion Williamson skoraði 32 stig fyrir Duke og tók 11 fráköst. Duke mætir Virginia Tech eða Liberty í næstu umferð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.