Erlent

Handtökuskipun vegna kynferðisbrota gefin út gegn R. Kelly

Kjartan Kjartansson skrifar
R. Kelly hefur alla tíð neitað ásökunum um kynferðisbrot.
R. Kelly hefur alla tíð neitað ásökunum um kynferðisbrot. Vísir/Getty

Bandaríski tónlistarmaðurinn R. Kelly er ákærður fyrir tíu alvarleg kynferðisbrot í Chicago. Dómari þar samþykkti að handtökuskipun skyldi gefin út á hendur honum í dag. Hann þarf að koma fyrir dómara 8. mars.



Ásakanir um kynferðisbrot R. Kelly, jafnvel gegnum ungum stúlkum, hafa lengi verið á sveimi. Undanfarið hafa konur stigið fram undir nafni og sakað söngvarann um að hafa brotið gegn sér.



Chicago Sun-Times greinir frá því að fallist hafi verið á handtökuskipunina fyrir dómi í Cook-sýslu í morgun. Lögmaður R. Kelly hafði áður sagt að honum hefði ekki verið tilkynnt um að skjólstæðingur hans hefði verið ákærður.



Breska ríkisútvarpið BBC hefur eftir bandarískum fjölmiðlum að brotin hafi beinst að fjórum stúlkum sem voru á aldrinum 13 til 16 ára þegar þau voru framin.

MeToo Mál R. Kelly Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið