Marsspá Siggu Kling - Steingeitin: Fyrirgefðu og yfirgefðu gömul vandamál

Elsku Steingeitin mín, það hefur aldeilis verið nóg að gerast og tíminn hefur liðið eins og örskot, það er eins og þú sért að bíða eftir svari, en samt veistu ekki alveg hvaða svari. Merkúr er áberandi í merkinu þínu og hjálpar þér með hugsanir og orð, tilfinningar og ástríður, svo láttu bara það sem þú vilt flakka og steinhættu að þegja yfir hlutunum því þess er ekki þörf.

Tölum saman er slagorðið sem er yfir þínu merki núna svo vertu staðfastur til að ná fram jákvæðum breytingum því þú hefur svo leiftrandi hugarflug og ef þú lætur ekki frá þér það sem kemur til þín fyllistu vonleysi. Þetta er „action“ mánuður til að koma lífinu í réttan farveg, fyrirgefðu og yfirgefðu gömul vandamál tengt ástinni eða vináttu, ekki láta sama steininn verða þér að falli aftur og aftur, þú veist hvað er rétt og réttsýnin er það sem kemur þér áfram.

Fólk leitar til þín með rosalega mörg vandamál og spurningar sem þú leysir og hjálpar með ótrúlegasta hætti, því orðin þín hafa svo mikið afl.

Peningamálin þín reddast, eins og alltaf, og þú átt eftir að ná einhverju takmarki í þeim efnum sem þig óraði ekki fyrir. Það upplifa þig allir sem sterka persónu þó þú sért með mjög viðkvæma sál, þá nærðu samt einhvernveginn alltaf að snúa þig útúr vandamálunum og svo sannarlega ertu þá þessi sterka persóna sem aðrir upplifa þig.

Það gæti dregið þig niður ef líkami þinn er ekki í því formi sem þú vilt því þú leitast stöðugt eftir fullkomnum, sem er ekki til, og þegar þú ferð af stað í hvort sem líkamsrækt eða nýju mataræði verður það eins og hugleiðsla fyrir þér því þú ert svo mikið keppnismanneskja og elskar áskoranir sem þú setur þér sjálfur, svo þú átt eftir að ná miklu lengra en þú þorðir að vona þegar líður á vorið.

Knús og kossar, þín Sigga Kling

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé, Ingveldur Ægissdóttir módir og kvunndagshetja, Hendrika Waage hönnuður, Laddi, Jóhann K. Jóhannsson fréttamaður.