Viðskipti innlent

25 prósent álag á skatt vegna Airbnb

Jóhann Óli Eiðsson skrifar
Margar Airbnb íbúðir eru í Reykjavík.
Margar Airbnb íbúðir eru í Reykjavík. Vísir/vilhelm

Yfirskattanefnd (YSKN) hefur staðfest úrskurð ríkisskattstjóra (RSK) um að eiganda húsnæðis beri að greiða 25 prósent álag vegna vanframtalinna tekna af útleigu húsnæðis á Airbnb. Eigandinn hafði ekki talið fram rúmlega þrjár milljónir króna sem hann hafði í tekjur árið 2016 af slíkri leigu.

Í úrskurði RSK kom fram að ekki hefði verið gefin upp til skatts upphæð frá Airbnb sem greidd var inn á reikning eigandans. Það að telja ekki fram slíkar tekjur teldist verulegur annmarki á framtali og því var gripið til álagsins.

Þá niðurstöðu kærði eigandinn til YSKN. Sagði hann að hann ætti enga sögu um vanframtalda skattstofna og að hann hefði greiðlega veitt upplýsingar um útleiguna. Því bæri að lækka álagið.

Lögum samkvæmt er heimilt að lækka álagið leiðrétti skattskyldur aðili upplýsingarnar sjálfur eða fella það niður með öllu ef honum verður ekki kennt um mistökin. YSKN taldi ljóst að svo væri ekki í þessu máli og stendur álagið því óhaggað.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.