Martin öflugur í Evrópusigri

Martin Hermannsson spilaði í tæpar tuttugu mínútur er Alba Berlín vann sigur á Mónakó, 83-74, í Evrópukeppninni í körfubolta í kvöld.

Leikið var í Mercedes-Benz höllinni í Berlín í kvöld fyrir framan rúma átta þúsund áhorfendur en Martin og félagar leiddu í hálfleik 44-38.

Þeir leiddu svo eftir þriðja leikhlutann en í síðasta leikhlutanum náðu gestirnir að minnka muninn í fjögur stig. Nær komust þeir ekki og öflugur sigur Berlín, 83-74.

Þetta var fyrsti leikur liðanna í riðlinum og er Berlín því með tvö stig eftir fyrstu umferðna en einnig eru Vilnius og Partizan með þeim í riðli.

KR-ingurinn öflugi gerði ellefu stig fyrir Berlín í kvöld en auk þess gaf hann sex stoðsendingar. Hann stal einum bolta til viðbótar.

Dagur Kár Jónsson spilaði ekkert er lið hans Flyers Wels vann öruggan sigur á Traiskirchen, 83-65, í austurrísku úrvalsdeildinni. Flyers er í áttunda sæti deildarinnar af tíu liðum.

Martin Hermannsson @hermannsson15 was decisive in the first game of @EuroCup Top 16 leading @albaberlin to a great win against Monaco with 11 points 6 assists 4 fouls won in 22 minutes @TangramSports

— Christos Lazarou (@ChristosLazarou) January 3, 2019