Trump bað þingmenn um að verja sig af hörku og þeir hlýddu Samúel Karl Ólason skrifar 24. október 2019 12:00 Þingmennirnir héldu blaðamannafund áður en þeir ruddu sér leið inn í fundarherbergið. AP/Patrick Semansky Þingmenn Repúblikanaflokksins ollu usla í fulltrúadeild Bandaríkjaþings í gær þegar þeir ruddu sér leið inn í fundarherbergi þar sem lokaður nefndarfundur fór fram. Meðlimir þriggja þingnefnda, bæði Demókratar og Repúblikanar, voru þar að yfirheyra Lauru Cooper, háttsettan embættismann innan Varnarmálaráðuneytis Bandaríkjanna, sem sérhæfir sig í málefnum Úkraínu. Yfirheyrslan snýr að rannsókn Demókrata á því hvort Donald Trump, forseti Bandaríkjanna, hafi framið embættisbrot þegar hann ræddi við forseta Úkraínu um að rannsaka Joe Biden, pólitískan andstæðing Trump. Þingmennirnir sem stóðu að þessum aðgerðum sitja ekki í þeim þremur nefndum sem standa nú að rannsókn á embættisfærslum Trump og höfðu þeir því ekki heimild til þess að sitja yfirheyrsluna. Þeir voru leiddir af þingmönnunum Steve Scalise og Matt Gaetz, sem eru einir helstu stuðningsmenn Trump á þinginu. Flestir þingmennirnir tilheyra hópnum „Freedom Caucus“. Þær þrjár nefndir sem að rannsókninni koma eru leyniþjónustumálanefnd, stjórnskipunar- og eftirlitsnefnd og utanríkismálanefnd.Ræddu við Trump um varnir gegn rannsókninni Margir þingmannanna sem um ræðir fóru á fund Trump í fyrradag þar sem hann bað þá um að verja sig af meiri hörku. Samkvæmt heimildum Washington Post frá aðilum sem sátu fundinn bað forsetinn þingmennina um að vettlingatök dygðu ekki lengur. Degi seinna voru þeir mættir í fundarherbergið.Með þessu vildu þingmennirnir mótmæla því sem þeir kalla „leynilegar yfirheyrslur“ Demókrata sem þeir segja ósanngjarnar. Þeir hunsuðu þó alfarið að þingmenn Repúblikanaflokksins, sem tilheyra þeim nefndum sem að málinu koma, sitja allar yfirheyrslurnar. Scalise sagði í aðdraganda mótmælanna að Demókratar væru að stýra ferli „í stíl Sovétríkjanna“ og slíkt ætti ekki að vera leyfilegt í Bandaríkjunum. Hann sagði að þeir yrðu ekki kúgaðir. Eins og AP fréttaveitan bendir á hafa margir þingmenn Repúblikanaflokksins verið þöglir sem gröfin um ásakanirnar gagnvart Trump en á sama tíma hafa þeir verið ófeimnir við að gagnrýna Demókrata og saka þá um ósanngjarna rannsókn, þrátt fyrir að þingmenn flokksins hafi haft aðgang að yfirheyrslum og hafi getað spurt vitni spurninga.Einn þingmaður Repúblikanaflokksins, Chris Stewart, sem situr í einni af nefndunum, viðurkenndi að rannsóknarferlið væri í takt við reglugerðir og lög. Yfirheyrsla Cooper tafðist um fimm klukkustundir vegna mótmælanna.Brutu reglur um öryggi Einhverjir af þingmönnum sem stóðu að mótmælunum tóku með sér síma og raftæki inn á nefndafundinn, sem er stranglega bannað þar sem fundarherbergið er skilgreint sem öruggt svæði og leynigögn eru reglulega rædd þar. Því eru engin raftæki leyfð þar inni. Geatz tísti til dæmis úr salnum og sagði frá mótmælunum. Seinna bætti hann við tísti þar sem því var haldið fram að fyrra tístið hefði verið skrifað af starfsmanni hans en ekki honum sjálfum. Báðum tístunum var svo eytt skömmu seinna. Yfirmaður öryggismála á þinginu þurfti á endanum að grípa inn í.Samkvæmt heimildum Politico neituðu einhverjir þingmenn að afhenda raftæki sín eftir að þeim var tilkynnt að það væri brot á öryggisreglum. Demókratar hafa sakað þingmennina um að hafa ógnað þjóðaröryggi Bandaríkjanna og hefur þess verið krafist að þeim verði refsað. Kevin McCarthy, þingflokksformaður Repúblikanaflokksins í fulltrúadeildinni, kom sínum mönnum þó til varnar og sagði þá ekki vita betur. „Þetta eru einstaklingar sem hafa aldrei setið í leyniþjónustumálanefndinni áður né annars staðar. Þetta er því ekkert alvarlegt,“ sagði McCarthy. Allir þingmenn vita þó af reglunum varðandi þau fundarherbergi þinghússins sem skilgreind eru sem örugg svæði og að raftæki séu bönnuð þar, samkvæmt AP fréttaveitunni.Þingkonan Debbie Wasserman Schultz segist hafa verið nýkomin í fundarherbergið þegar áðurnefndir þingmenn ruddu sér leið fram hjá vörðum og þeim starfsmanni sem á að kanna skilríki þeirra sem koma þar inn. „Sumir þeirra voru bókstaflega bara að öskra um forsetann, hvað við værum að gera honum, um að við hefðum ekkert í höndunum og allt sem fram hefði komið styddi málstað forsetans,“ sagði Wasserman Schultz við AP.Halda opna fundi á næstu vikum Demókratar segja að opnir fundir vegna rannsóknarinnar verði haldnir á næstu vikum, eftir að fyrstu stigum rannsóknar þeirra líkur. Adam Schiff, formaður leyniþjónustumálanefndar fulltrúadeildarinnar, sem stýrir rannsókninni, segir lokaða fundi nauðsynlega til að koma í veg fyrir að vitni samræmi framburð sinn. Þingmenn Demókrataflokksins segja atvik gærdagsins til marks um að vitnisburður síðustu daga hafi hrætt þá. William Taylor, hæst setti erindreki Bandaríkjanna í Úkraínu, er sagður hafa greint þingnefnd sem rannsakar möguleg embættisbrot Trump frá því fyrr í vikunni að forsetinn hafi stöðvað hernaðaraðstoð til Úkraínu og neitað að veita Zelensky fund sem úkraínski forsetinn sóttist eftir nema hann féllist á að rannsaka pólitíska andstæðinga Trump. Bandaríkin Donald Trump Ákæruferli þingsins gegn Trump Úkraína Tengdar fréttir Lögmaður Trump segir ekki hægt að ákæra hann fyrir morð Lagakenninguna setti persónulegur lögmaður Bandaríkjaforseta fram í máli sem varðar skattskýrslur hans og þagnargreiðslu til klámmyndaleikkonu. 24. október 2019 10:45 Háttsettur erindreki segir Trump hafa tengt aðstoð við Úkraínu við rannsókn á pólitískum andstæðingum William B. Taylor, starfandi sendiherra Bandaríkjanna í Úkraínu, greindi rannsakendum sem rannsaka möguleg embættisbrot Donald Trump forseta Bandaríkjanna, frá því í dag að Trump hafi neitað að veita Úkraínu hernaðaraðstoð og að hann hafnað því að funda með forseta Úkraínu í Hvíta húsinu nema hann myndi heita því að rannsaka andstæðinga Trump í bandarískum stjórnmálum. 22. október 2019 20:47 Uppþot þegar Repúblikanar reyndu að brjóta sér leið inn á lokaðan fund Það ætlaði allt um koll að keyra í þinghúsi Bandaríkjanna í dag eftir að fresta þurfti lokuðum vitnisburði í tengslum við Úkraínu-málið þegar hópur þingmanna Repúblikana reyndi að brjóta sér leið inn í fundarherbergið. 23. október 2019 21:17 Hafa áhyggjur af hömluleysi forsetans Fyrrverandi starfsmenn Donald Trump, forseta Bandaríkjanna, og aðrir Repúblikanar sem þykja nánir Hvíta húsinu, hafa sífellt meiri áhyggjur af hegðun forsetans. Þeir segja engin bönd á Trump lengur og honum sé frjálst að gera smá og stór afglöp sem forseti. 19. október 2019 14:00 Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Segir klútabyltinguna vera hafna Innlent Telur fylgið hafa farið á dreifingu vegna fjölda frambjóðenda Innlent Segir allt stefna í að Halla Tómasdóttir verði forseti Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Telur taktíska kosningu hafa unnið gegn sér Innlent Augljóst að kjósendur vilja konu sem næsta forseta Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Þingmenn Repúblikanaflokksins ollu usla í fulltrúadeild Bandaríkjaþings í gær þegar þeir ruddu sér leið inn í fundarherbergi þar sem lokaður nefndarfundur fór fram. Meðlimir þriggja þingnefnda, bæði Demókratar og Repúblikanar, voru þar að yfirheyra Lauru Cooper, háttsettan embættismann innan Varnarmálaráðuneytis Bandaríkjanna, sem sérhæfir sig í málefnum Úkraínu. Yfirheyrslan snýr að rannsókn Demókrata á því hvort Donald Trump, forseti Bandaríkjanna, hafi framið embættisbrot þegar hann ræddi við forseta Úkraínu um að rannsaka Joe Biden, pólitískan andstæðing Trump. Þingmennirnir sem stóðu að þessum aðgerðum sitja ekki í þeim þremur nefndum sem standa nú að rannsókn á embættisfærslum Trump og höfðu þeir því ekki heimild til þess að sitja yfirheyrsluna. Þeir voru leiddir af þingmönnunum Steve Scalise og Matt Gaetz, sem eru einir helstu stuðningsmenn Trump á þinginu. Flestir þingmennirnir tilheyra hópnum „Freedom Caucus“. Þær þrjár nefndir sem að rannsókninni koma eru leyniþjónustumálanefnd, stjórnskipunar- og eftirlitsnefnd og utanríkismálanefnd.Ræddu við Trump um varnir gegn rannsókninni Margir þingmannanna sem um ræðir fóru á fund Trump í fyrradag þar sem hann bað þá um að verja sig af meiri hörku. Samkvæmt heimildum Washington Post frá aðilum sem sátu fundinn bað forsetinn þingmennina um að vettlingatök dygðu ekki lengur. Degi seinna voru þeir mættir í fundarherbergið.Með þessu vildu þingmennirnir mótmæla því sem þeir kalla „leynilegar yfirheyrslur“ Demókrata sem þeir segja ósanngjarnar. Þeir hunsuðu þó alfarið að þingmenn Repúblikanaflokksins, sem tilheyra þeim nefndum sem að málinu koma, sitja allar yfirheyrslurnar. Scalise sagði í aðdraganda mótmælanna að Demókratar væru að stýra ferli „í stíl Sovétríkjanna“ og slíkt ætti ekki að vera leyfilegt í Bandaríkjunum. Hann sagði að þeir yrðu ekki kúgaðir. Eins og AP fréttaveitan bendir á hafa margir þingmenn Repúblikanaflokksins verið þöglir sem gröfin um ásakanirnar gagnvart Trump en á sama tíma hafa þeir verið ófeimnir við að gagnrýna Demókrata og saka þá um ósanngjarna rannsókn, þrátt fyrir að þingmenn flokksins hafi haft aðgang að yfirheyrslum og hafi getað spurt vitni spurninga.Einn þingmaður Repúblikanaflokksins, Chris Stewart, sem situr í einni af nefndunum, viðurkenndi að rannsóknarferlið væri í takt við reglugerðir og lög. Yfirheyrsla Cooper tafðist um fimm klukkustundir vegna mótmælanna.Brutu reglur um öryggi Einhverjir af þingmönnum sem stóðu að mótmælunum tóku með sér síma og raftæki inn á nefndafundinn, sem er stranglega bannað þar sem fundarherbergið er skilgreint sem öruggt svæði og leynigögn eru reglulega rædd þar. Því eru engin raftæki leyfð þar inni. Geatz tísti til dæmis úr salnum og sagði frá mótmælunum. Seinna bætti hann við tísti þar sem því var haldið fram að fyrra tístið hefði verið skrifað af starfsmanni hans en ekki honum sjálfum. Báðum tístunum var svo eytt skömmu seinna. Yfirmaður öryggismála á þinginu þurfti á endanum að grípa inn í.Samkvæmt heimildum Politico neituðu einhverjir þingmenn að afhenda raftæki sín eftir að þeim var tilkynnt að það væri brot á öryggisreglum. Demókratar hafa sakað þingmennina um að hafa ógnað þjóðaröryggi Bandaríkjanna og hefur þess verið krafist að þeim verði refsað. Kevin McCarthy, þingflokksformaður Repúblikanaflokksins í fulltrúadeildinni, kom sínum mönnum þó til varnar og sagði þá ekki vita betur. „Þetta eru einstaklingar sem hafa aldrei setið í leyniþjónustumálanefndinni áður né annars staðar. Þetta er því ekkert alvarlegt,“ sagði McCarthy. Allir þingmenn vita þó af reglunum varðandi þau fundarherbergi þinghússins sem skilgreind eru sem örugg svæði og að raftæki séu bönnuð þar, samkvæmt AP fréttaveitunni.Þingkonan Debbie Wasserman Schultz segist hafa verið nýkomin í fundarherbergið þegar áðurnefndir þingmenn ruddu sér leið fram hjá vörðum og þeim starfsmanni sem á að kanna skilríki þeirra sem koma þar inn. „Sumir þeirra voru bókstaflega bara að öskra um forsetann, hvað við værum að gera honum, um að við hefðum ekkert í höndunum og allt sem fram hefði komið styddi málstað forsetans,“ sagði Wasserman Schultz við AP.Halda opna fundi á næstu vikum Demókratar segja að opnir fundir vegna rannsóknarinnar verði haldnir á næstu vikum, eftir að fyrstu stigum rannsóknar þeirra líkur. Adam Schiff, formaður leyniþjónustumálanefndar fulltrúadeildarinnar, sem stýrir rannsókninni, segir lokaða fundi nauðsynlega til að koma í veg fyrir að vitni samræmi framburð sinn. Þingmenn Demókrataflokksins segja atvik gærdagsins til marks um að vitnisburður síðustu daga hafi hrætt þá. William Taylor, hæst setti erindreki Bandaríkjanna í Úkraínu, er sagður hafa greint þingnefnd sem rannsakar möguleg embættisbrot Trump frá því fyrr í vikunni að forsetinn hafi stöðvað hernaðaraðstoð til Úkraínu og neitað að veita Zelensky fund sem úkraínski forsetinn sóttist eftir nema hann féllist á að rannsaka pólitíska andstæðinga Trump.
Bandaríkin Donald Trump Ákæruferli þingsins gegn Trump Úkraína Tengdar fréttir Lögmaður Trump segir ekki hægt að ákæra hann fyrir morð Lagakenninguna setti persónulegur lögmaður Bandaríkjaforseta fram í máli sem varðar skattskýrslur hans og þagnargreiðslu til klámmyndaleikkonu. 24. október 2019 10:45 Háttsettur erindreki segir Trump hafa tengt aðstoð við Úkraínu við rannsókn á pólitískum andstæðingum William B. Taylor, starfandi sendiherra Bandaríkjanna í Úkraínu, greindi rannsakendum sem rannsaka möguleg embættisbrot Donald Trump forseta Bandaríkjanna, frá því í dag að Trump hafi neitað að veita Úkraínu hernaðaraðstoð og að hann hafnað því að funda með forseta Úkraínu í Hvíta húsinu nema hann myndi heita því að rannsaka andstæðinga Trump í bandarískum stjórnmálum. 22. október 2019 20:47 Uppþot þegar Repúblikanar reyndu að brjóta sér leið inn á lokaðan fund Það ætlaði allt um koll að keyra í þinghúsi Bandaríkjanna í dag eftir að fresta þurfti lokuðum vitnisburði í tengslum við Úkraínu-málið þegar hópur þingmanna Repúblikana reyndi að brjóta sér leið inn í fundarherbergið. 23. október 2019 21:17 Hafa áhyggjur af hömluleysi forsetans Fyrrverandi starfsmenn Donald Trump, forseta Bandaríkjanna, og aðrir Repúblikanar sem þykja nánir Hvíta húsinu, hafa sífellt meiri áhyggjur af hegðun forsetans. Þeir segja engin bönd á Trump lengur og honum sé frjálst að gera smá og stór afglöp sem forseti. 19. október 2019 14:00 Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Segir klútabyltinguna vera hafna Innlent Telur fylgið hafa farið á dreifingu vegna fjölda frambjóðenda Innlent Segir allt stefna í að Halla Tómasdóttir verði forseti Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Telur taktíska kosningu hafa unnið gegn sér Innlent Augljóst að kjósendur vilja konu sem næsta forseta Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Lögmaður Trump segir ekki hægt að ákæra hann fyrir morð Lagakenninguna setti persónulegur lögmaður Bandaríkjaforseta fram í máli sem varðar skattskýrslur hans og þagnargreiðslu til klámmyndaleikkonu. 24. október 2019 10:45
Háttsettur erindreki segir Trump hafa tengt aðstoð við Úkraínu við rannsókn á pólitískum andstæðingum William B. Taylor, starfandi sendiherra Bandaríkjanna í Úkraínu, greindi rannsakendum sem rannsaka möguleg embættisbrot Donald Trump forseta Bandaríkjanna, frá því í dag að Trump hafi neitað að veita Úkraínu hernaðaraðstoð og að hann hafnað því að funda með forseta Úkraínu í Hvíta húsinu nema hann myndi heita því að rannsaka andstæðinga Trump í bandarískum stjórnmálum. 22. október 2019 20:47
Uppþot þegar Repúblikanar reyndu að brjóta sér leið inn á lokaðan fund Það ætlaði allt um koll að keyra í þinghúsi Bandaríkjanna í dag eftir að fresta þurfti lokuðum vitnisburði í tengslum við Úkraínu-málið þegar hópur þingmanna Repúblikana reyndi að brjóta sér leið inn í fundarherbergið. 23. október 2019 21:17
Hafa áhyggjur af hömluleysi forsetans Fyrrverandi starfsmenn Donald Trump, forseta Bandaríkjanna, og aðrir Repúblikanar sem þykja nánir Hvíta húsinu, hafa sífellt meiri áhyggjur af hegðun forsetans. Þeir segja engin bönd á Trump lengur og honum sé frjálst að gera smá og stór afglöp sem forseti. 19. október 2019 14:00
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins