Stígur ekki til hliðar vegna umdeildra fána Samúel Karl Ólason skrifar 30. maí 2024 15:25 Samuel Alito og Martha-Ann Alito, eiginkona hans. Hún ku vera mikill aðdáandi fána. AP/Pablo Martinez Monsivais Samuel A. Alito, dómari við Hæstarétt Bandaríkjanna, ætlar ekki að segja sig frá tveimur málum sem dómstóllinn er með til skoðunar og snúa að árásinni á þinghúsi Bandaríkjanna þann 6. janúar 2021. Hann hefur verið krafinn um það eftir að fregnir bárust af því að eftir árásina var tveimur fánum sem stuðningsmenn Donalds Trump hafa tekið að sér, hafa verið flaggað við hús í hans eigu. Annar fáninn er sá bandaríski á hvolfi og hinn er hvítur fáni með mynd af furu sem á stendur „An Appeal to heaven“ eða Beiðni til himna. Báðir fánar hafa verið bendlaðir við hópa sem styðja Trump og telja ranglega að umfangsmikið kosningasvindl hafi kostað hann sigur gegn Joe Biden í forsetakosningunum 2020. Meðal þess sem dómarar hæstaréttar hafa til skoðunar er hvort Trump njóti friðhelgi fyrir meint brot hans frá því þegar hann var forseti. Úrskurðar hæstaréttar á næstu mánuðum gætu stöðvað málaferli gegn Trump og það hvort hægt sé að ákæra stuðningsmenn hans vegna árásarinnar á þinghúsið. Í bréfi sem hann sendi til þingmanna Demókrataflokksins í gær sagði Alito að fánarnir hefðu verið í eigu Martha-Ann, eiginkonu hans. Hún hefði gaman af fánum og fánarnir umdeildu hefðu verið á hennar ábyrgð. Þeir tengdust honum ekki á nokkurn hátt. Alito sagði eiginkonu sína hafa flaggað alls konar fánum í gegnum árin. Samkvæmt frétt New York Times segist Alito í bréfinu hafa beðið eiginkonu sína að fjarlægja bandaríska fánann sem hún flaggaði á hvolfi en hún hafi neitað því yfir næstu daga. Alito segist ekki hafa haft lagalegan rétt á því að taka fánann niður gegn vilja hennar. Sjá einnig: „Stöðvið stuldinn“-fáni á lóð dómara eftir árásina á þinghúsið Dómarinn þrætti í bréfi sínu ekki fyrir það að bandaríski fáninn á hvolfi táknaði stuðning við hina svokölluðu „stop the steal“ hreyfingu, þar sem fólk trúir lygum Trumps um kosningasvindl. Hann hélt því þó fram að hvorki hann né eiginkona hans hefðu vitað af tengingu furfánans við hreyfinguna og Trump. Þessi fáni var upprunalega búinn til á tímum frelsisstríðs Bandaríkjanna og táknaði andstöðu gegn yfirvöldum Breta í Bandaríkjunum. Fáninn var að mestu gleymdur þar til á síðasta áratug þegar íhaldssamir og trúaðir Bandaríkjamenn fóru að flagga honum á nýjan leik. Þar hefur maður sem heitir Dutch Sheets farið fremst í flokki. Samkvæmt NYT hefur hann myndað fjar-hægri hreyfingu trúaðra sem vinnur að því að auka vægi kristni í opinberri stjórnsýslu Bandaríkjanna. Leiðtogar þessarar hreyfingar hafa bundið miklar vonir við Alito og afstöðu hans til málefna eins og þungunarrofs, hjónabanda samkynja para og trúfrelsis. Í áðurnefndu bréfi sagði Alito að skynsamur maður, sem hefði ekki pólitískan áhuga á því að hafa áhrif á úrskurði hæstaréttar, gæti ekki metið stöðu hans svo að hann væri vanhæfur og þyrfti að stíga til hliðar. Gaf hann þar til kynna að þingmennirnir sem kröfðust þess að hann stigi til hliðar gerðu það af pólitískum ástæðum. Alito vísaði í tiltölulega nýjar siðareglur hæstaréttar, sem dómararnir settu sér sjálfir, þar sem fram kemur að gert sé ráð fyrir því að dómarar séu hlutlausir og það sé skylda þeirra að sitja öll mál, nema þeir séu vanhæfir. Þá segi siðareglurnar að dómarar séu vanhæfir í málum þar sem hægt sé að draga hlutleysi þeirra í efa með skynsömum hætti, í einföldu máli sagt. Þess vegna sagði Alito að hann væri ekki vanhæfur. Sjá einnig: Krefjast þess að Thomas komi ekki að máli Trumps Alito er ekki fyrsti dómarinn sem er bendlaður við stoðlausar samsæriskenningar Trump um meint misferli í forsetakosningunum 2020. Ginni Thomas, eiginkona Clarence Thomas dómara, tók þannig virkan þátt í að reyna að hnekkja úrslitum kosninganna. Thomas hefur hafnað því að víkja í málum sem tengjast kosningunum. Dómarar Hæstaréttar hafa verið gagnrýndir fyrir að hafa hraðar hendur þegar það hentar Trump en draga lappirnar í öðrum málum. Bandaríkin Hæstiréttur Bandaríkjanna Donald Trump Forsetakosningar í Bandaríkjunum 2020 Forsetakosningar í Bandaríkjunum 2024 Árás á bandaríska þinghúsið Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Rússar notuðu Brasilíu sem njósnaraverksmiðju Erlent Svona verður Sæbraut í stokki Innlent Fólki sé vel treystandi til að fá sér nokkra bjóra á íþróttaviðburðum Innlent Ákærður fyrir að ráðast á leigubílstjóra Innlent NEL tekur fyrir mál fjölskyldu Sigurðar Kristófers í júní Innlent Græddu á hjólinu í fyrra og vilja endurtaka leikinn Innlent Súkkulaði sviðakjammar rjúka út á Selfossi Innlent Einn lést í brunanum á Hjarðarhaga Innlent Fleiri fréttir Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Sjá meira
Annar fáninn er sá bandaríski á hvolfi og hinn er hvítur fáni með mynd af furu sem á stendur „An Appeal to heaven“ eða Beiðni til himna. Báðir fánar hafa verið bendlaðir við hópa sem styðja Trump og telja ranglega að umfangsmikið kosningasvindl hafi kostað hann sigur gegn Joe Biden í forsetakosningunum 2020. Meðal þess sem dómarar hæstaréttar hafa til skoðunar er hvort Trump njóti friðhelgi fyrir meint brot hans frá því þegar hann var forseti. Úrskurðar hæstaréttar á næstu mánuðum gætu stöðvað málaferli gegn Trump og það hvort hægt sé að ákæra stuðningsmenn hans vegna árásarinnar á þinghúsið. Í bréfi sem hann sendi til þingmanna Demókrataflokksins í gær sagði Alito að fánarnir hefðu verið í eigu Martha-Ann, eiginkonu hans. Hún hefði gaman af fánum og fánarnir umdeildu hefðu verið á hennar ábyrgð. Þeir tengdust honum ekki á nokkurn hátt. Alito sagði eiginkonu sína hafa flaggað alls konar fánum í gegnum árin. Samkvæmt frétt New York Times segist Alito í bréfinu hafa beðið eiginkonu sína að fjarlægja bandaríska fánann sem hún flaggaði á hvolfi en hún hafi neitað því yfir næstu daga. Alito segist ekki hafa haft lagalegan rétt á því að taka fánann niður gegn vilja hennar. Sjá einnig: „Stöðvið stuldinn“-fáni á lóð dómara eftir árásina á þinghúsið Dómarinn þrætti í bréfi sínu ekki fyrir það að bandaríski fáninn á hvolfi táknaði stuðning við hina svokölluðu „stop the steal“ hreyfingu, þar sem fólk trúir lygum Trumps um kosningasvindl. Hann hélt því þó fram að hvorki hann né eiginkona hans hefðu vitað af tengingu furfánans við hreyfinguna og Trump. Þessi fáni var upprunalega búinn til á tímum frelsisstríðs Bandaríkjanna og táknaði andstöðu gegn yfirvöldum Breta í Bandaríkjunum. Fáninn var að mestu gleymdur þar til á síðasta áratug þegar íhaldssamir og trúaðir Bandaríkjamenn fóru að flagga honum á nýjan leik. Þar hefur maður sem heitir Dutch Sheets farið fremst í flokki. Samkvæmt NYT hefur hann myndað fjar-hægri hreyfingu trúaðra sem vinnur að því að auka vægi kristni í opinberri stjórnsýslu Bandaríkjanna. Leiðtogar þessarar hreyfingar hafa bundið miklar vonir við Alito og afstöðu hans til málefna eins og þungunarrofs, hjónabanda samkynja para og trúfrelsis. Í áðurnefndu bréfi sagði Alito að skynsamur maður, sem hefði ekki pólitískan áhuga á því að hafa áhrif á úrskurði hæstaréttar, gæti ekki metið stöðu hans svo að hann væri vanhæfur og þyrfti að stíga til hliðar. Gaf hann þar til kynna að þingmennirnir sem kröfðust þess að hann stigi til hliðar gerðu það af pólitískum ástæðum. Alito vísaði í tiltölulega nýjar siðareglur hæstaréttar, sem dómararnir settu sér sjálfir, þar sem fram kemur að gert sé ráð fyrir því að dómarar séu hlutlausir og það sé skylda þeirra að sitja öll mál, nema þeir séu vanhæfir. Þá segi siðareglurnar að dómarar séu vanhæfir í málum þar sem hægt sé að draga hlutleysi þeirra í efa með skynsömum hætti, í einföldu máli sagt. Þess vegna sagði Alito að hann væri ekki vanhæfur. Sjá einnig: Krefjast þess að Thomas komi ekki að máli Trumps Alito er ekki fyrsti dómarinn sem er bendlaður við stoðlausar samsæriskenningar Trump um meint misferli í forsetakosningunum 2020. Ginni Thomas, eiginkona Clarence Thomas dómara, tók þannig virkan þátt í að reyna að hnekkja úrslitum kosninganna. Thomas hefur hafnað því að víkja í málum sem tengjast kosningunum. Dómarar Hæstaréttar hafa verið gagnrýndir fyrir að hafa hraðar hendur þegar það hentar Trump en draga lappirnar í öðrum málum.
Bandaríkin Hæstiréttur Bandaríkjanna Donald Trump Forsetakosningar í Bandaríkjunum 2020 Forsetakosningar í Bandaríkjunum 2024 Árás á bandaríska þinghúsið Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Rússar notuðu Brasilíu sem njósnaraverksmiðju Erlent Svona verður Sæbraut í stokki Innlent Fólki sé vel treystandi til að fá sér nokkra bjóra á íþróttaviðburðum Innlent Ákærður fyrir að ráðast á leigubílstjóra Innlent NEL tekur fyrir mál fjölskyldu Sigurðar Kristófers í júní Innlent Græddu á hjólinu í fyrra og vilja endurtaka leikinn Innlent Súkkulaði sviðakjammar rjúka út á Selfossi Innlent Einn lést í brunanum á Hjarðarhaga Innlent Fleiri fréttir Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Sjá meira