Kínverskur dómstóll dæmdi í dag kanadískan karlmann til dauða vegna fíkniefnasmygls. Saksóknarar héldu því fram að fimmtán ára fangelsisdómur sem hann hafði hlotið væri of vægur. Mál mannsins er talið reyna enn á tengsl ríkjanna tveggja.
Robert Lloyd Schellenberg var dæmdur til dauða í Liaoning-héraði í norðausturhluta Kína, að sögn Reuters-fréttastofunnar. Honum var sagt að hann gæti áfrýjað dómnum innan tíu daga. Lögmaður hans segir að það muni hann að öllum líkindum gera.
Samskipti Kína og Kanada hafa verið stirð eftir að kanadísk yfirvöld handtóku Meng Wanzhou, aðstoðarfjármálastjóra kínverska tæknirisans Huawei, að beiðni bandarískra stjórnvalda í síðasta mánuði. Síðan þá hafa Kínverjar handtekið nokkra Kanadamenn til viðbótar og sakað þá um að stefna öryggi ríkisins í hættu.
Bandarísk stjórnvöld saka Huawei um að hafa brotið gegn viðskiptabanni við Íran.
Kanadískur karlmaður dæmdur til dauða í Kína
Tengdar fréttir
Þrettán ríkisborgarar Kanada handteknir í Kína
Af þeim þrettán Kanadamönnum sem hafa verið handteknir í Kína er búið að sleppa minnst átta.
Tveir Kanadamenn í haldi í Kína
Yfirvöld Kína hafa handtekið tvo Kanadamenn og saka þá um að ógna öryggi Kína.
Fjármálastjóri Huawei handtekin vegna meintra viðskipta við Íran
Starfsmenn Dómsmálaráðuneytis Kanada segjast ekki geta veitt frekari upplýsingar um málið þar sem Meng hafi krafist þess fyrir dómi að slíkt mætti ekki.
Þriðji Kanadamaðurinn í haldi í Kína
Ekki liggur fyrir hver maðurinn, eða konan, er né hvers vegna hann var handtekinn.
