Markvörðurinn úr The Mighty Ducks handtekinn

Leikarinn Shaun Weiss var handtekinn fyrir mikla ölvun á almannafæri í Kaliforníu á laugardaginn.

Weiss vakti fyrst athygli fyrir hlutverk sitt sem markvörður íshokkíliðsins í kvikmyndinni The Mighty Ducks en TMZ greinir frá.

Weiss lék markvörðinn skemmtilega Goldberg en karakterinn sló rækilega í gegn í myndunum en tvær kvikmyndir fylgdu í kjölfar þeirrar fyrstu.

Weiss var handtekinn fyrir rúmlega ári síðan fyrir vörslu fíkniefna og einnig fyrir þjófnað. Hann sat inni í tólf daga eftir að hafa fengið 150 daga fangelsisdóm.

Hér að neðan má sjá brot úr fyrstu myndinni um íshokkíliðið Ducks. Með aðalhlutverk í myndunum fóru þeir Emilio Estevez og Joshua Jackson.