Deila Musk vegna prumpandi einhyrnings leyst

Elon Musk og leirgerðarmaðurinn Tom Edwards hafa komist að samkomulagi vegna deilu þeirra um mynd af prumpandi einhyrningi. Þetta tilkynnti Edwards í dag án þess að taka fram í hverju lausnin fælist. Þess í stað sagði hann alla aðila vera ánægða.

Deiluna má rekja til þess að Musk tísti myndinni umræddu á bolla á síðasta ári. Í kjölfarið fóru svipaðar myndir að birtast í viðmóti bíla Tesla, fyrirtækis Musk, og á auglýsingum. Edwards sagði það hafa verið gert án hans leyfis.



Í síðasta mánuði lenti Musk í rifrildi við dóttur Edwards á Twitter þar sem hún sagði auðjöfurinn hafa stolið hugverki föður síns.

Musk svaraði á þá leið að hann gæti breytt myndunum og bætti svo við að Edwards ætti að vera ánægður með að aukna sölu bollanna.

Nú í dag tísti Musk yfirlýsingu Edwards. Hér fyrir neðan má sjá tíst Musk og tíst dóttur Edwards frá því í síðasta mánuði.

pic.twitter.com/ys9qlwcnpc

— Elon Musk (@elonmusk) July 21, 2018

hey y'all Grimes' boyfriend ripped off my dad's art! this is a true story! what do you have to say for yourself @elonmusk ?? https://t.co/TMMJAS1ZGM

— Lisa Prank (@lisaprank) June 26, 2018