Yngri leikmenn skrefinu nær Hjörvar Ólafsson skrifar 23. nóvember 2018 08:00 Freyr og Hamrén. Freyr Alexandersson hefur haft í nógu að snúast í haust. Þessa dagana er hann að leikgreina alla leiki íslenska karlalandsliðsins í knattspyrnu á þessu ári og búa til skýrslu yfir leikfræði liðsins. Hann segir jákvæða hluti hafa fengist út úr leikjunum í Þjóðadeild UEFA þrátt fyrir að uppskeran hvað stigasöfnun varðar hafi verið rýr. „Það tók auðvitað sinn tíma fyrir mig og Hamrén að kynnast. Eftir þessa törn í haust þekkjumst við betur og það er komin skýr mynd á verkskipulagið hjá okkur. Það var ekki svo að Hamrén hafi ætlað að kollsteypa öllu og hafi orðið afturreka með sína hugmyndafræði þrátt fyrir skellinn gegn Sviss. Það var bara slys og það sást best á leikjunum þar á eftir að það var einsdæmi hjá þessu liði. Eitt af því sem við höfum lært á leiðinni er að það er heillavænlegra að spila með blöndu af svæðisvörn og dekkun í föstum leikatriðum. Við höfum náð betri tökum á því hvernig við viljum verjast á þeim vettvangi og gert bragarbót þar á í síðustu leikjum,“ segir Freyr um fyrstu leikina sem Hamrén og Freyr stýrðu. „Við sáum það einnig í þeim leik að þrátt fyrir að breiddin í leikmannahópnum hafi aukist þá má íslenska liðið ekki við því að missa jafn marga lykilleikmenn og raun bar vitni í leiknum gegn Sviss ytra. Þeir leikmenn sem komu inn í stað þeirra sem hafa verið fjarverandi hafa hins vegar vaxið hratt í þau hlutverk sem þeim eru ætluð og bætt sig leik frá leik. Leikmenn á borð við Arnór Sigurðsson og Albert Guðmundsson eru komnir langt í sínu þróunarferli og þeir banka fast á dyrnar annaðhvort í byrjunarliðið eða að koma inn sem varamenn sem breyta gangi leikja,“ segir hann enn fremur. „Við fengum að kynnast mörgum leikmönnum í þessum leikjum. Það má í raun segja að sá leikmannahópur sem við höfðum í þessum leikjum hafi innihaldið marga leikmenn sem ætlunin var að skoða í þeim verkefnum sem eru áformuð í janúar. Þannig höfum við skýra mynd af því hversu langt ákveðnir leikmenn eru komnir og hvernig þeir passa inn í þá hugmyndafræði sem við komum til með að spila eftir. Það kom líka skemmtilega á óvart hversu vel tókst til að spila í þriggja miðvarða leikkerfi. Það er gott að hafa náð að bæta vopnum í vopnabúrið hvað leikkerfi varðar,“ segir Breiðhyltingurinn um þá jákvæðu punkta sem taka má úr undanförnum leikjum. „Ég er núna í þeirri vinnu að leikgreina alla leiki ársins og gefa leikmönnum endurgjöf á þá leiki sem við vorum að spila við Belgíu og Katar. Við vorum ánægðir með viss atriði í þeim leikjum og mér finnst hafa verið stígandi í spilamennsku liðsins undir okkar stjórn. Ég sé það hins vegar betur þegar ég er búinn að leikgreina leikina á nánari hátt en mögulegt er á milli leikja hvaða lærdóm við getum dregið af leikjunum. Við þurfum að huga vel að smáatriðunum í okkar leik og við verðum að halda áfram að leika á eins taktískt fullkominn hátt og mögulegt er til þess að ná í hagstæð úrslit," segir hann um verkefni sín þessa dagana. „Ég hef þó nokkuð verið að velta vöngum yfir því eftir að ég tók við þessu starfi hvers vegna þeir leikmenn sem eru að koma upp í A-liðið þessa stundina og á næstunni hafa allir svipaða eiginleika. Það er ósamræmi milli þess hversu marga leikmenn við eigum í hæsta gæðaflokki í U-21 árs liðinu aftarlega og framarlega á vellinum. Hugsanlegt er að yfirmaður knattspyrnumála geti gripið inn í svona þróun á fyrri stigum. Ég er hins vegar ekki viss um hvert hlutverk hans verður, mér finnst það svolítið óljóst. Það verður svo bara að koma í ljós hvernig sá aðili getur nýst okkur landsliðsþjálfurunum,“ segir aðstoðarlandsliðsþjálfarinn um þróun mála í íslenska knattspyrnusamfélaginu. Birtist í Fréttablaðinu Íslenski boltinn Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport Chelsea Sambandsdeildarmeistari 2025 Fótbolti United niðurlægt í Malasíu Enski boltinn „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Læti fyrir leik í Póllandi Stal senunni í fagnaðarlátum Arsenal „Ég set spurningarmerki við þennan tímapunkt“ Chelsea Sambandsdeildarmeistari 2025 Damir þakkar fyrir sig eftir stutta dvöl í Asíu Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Steinhissa á að leikmaður sinn væri mættur á úrslitaleikinn Fanndís kölluð inn í landsliðið eftir fimm ára fjarveru Leita til Liverpool að nýjum kollega Hákonar „Sumir þurftu því miður að yfirgefa svæðið“ Dómari í máli Maradona hættir vegna umdeildrar þátttöku í heimildaþáttaröð „Skeptískir að einhver Íslendingur gæti gert Brann að góðu fótboltaliði“ Þeir bestu (3. sæti): Sannkallaður Benjamin Button Hólmbert skiptir um félag Sagður undir áhrifum, pissa í klefa Roma og senda tvo á sjúkrahús Biðst afsökunar á afar ljótum ummælum í Árbæ Munda missir af landsleik vegna útskriftar úr Harvard Eiginkonurnar fljúga frítt á meðan starfsmennirnir sitja eftir heima Stuðningsmenn Chelsea köstuðu glösum og stólum í Póllandi „Ég er svo pirruð, ég er svo pirruð“ Nýr sex ára samningur hjá Lamine Yamal Jón Þór dæmdur í leikbann og þjálfari Árbæjar fékk fjóra leiki Bestu kaupin, nýyrði í boltanum og hver verður markakóngur? „Án Meistaradeildarinnar þurfum við ekki stóran leikmannahóp“ Missti markmannsstöðuna og hætti með landsliðinu Sævar Atli orðinn leikmaður Brann Þróttur geti klárlega landað titlinum: „Mér finnst þetta stórkostlegt lið“ Júlíus meiddur og Tómas tekinn inn í landsliðshópinn Sjá meira
Freyr Alexandersson hefur haft í nógu að snúast í haust. Þessa dagana er hann að leikgreina alla leiki íslenska karlalandsliðsins í knattspyrnu á þessu ári og búa til skýrslu yfir leikfræði liðsins. Hann segir jákvæða hluti hafa fengist út úr leikjunum í Þjóðadeild UEFA þrátt fyrir að uppskeran hvað stigasöfnun varðar hafi verið rýr. „Það tók auðvitað sinn tíma fyrir mig og Hamrén að kynnast. Eftir þessa törn í haust þekkjumst við betur og það er komin skýr mynd á verkskipulagið hjá okkur. Það var ekki svo að Hamrén hafi ætlað að kollsteypa öllu og hafi orðið afturreka með sína hugmyndafræði þrátt fyrir skellinn gegn Sviss. Það var bara slys og það sást best á leikjunum þar á eftir að það var einsdæmi hjá þessu liði. Eitt af því sem við höfum lært á leiðinni er að það er heillavænlegra að spila með blöndu af svæðisvörn og dekkun í föstum leikatriðum. Við höfum náð betri tökum á því hvernig við viljum verjast á þeim vettvangi og gert bragarbót þar á í síðustu leikjum,“ segir Freyr um fyrstu leikina sem Hamrén og Freyr stýrðu. „Við sáum það einnig í þeim leik að þrátt fyrir að breiddin í leikmannahópnum hafi aukist þá má íslenska liðið ekki við því að missa jafn marga lykilleikmenn og raun bar vitni í leiknum gegn Sviss ytra. Þeir leikmenn sem komu inn í stað þeirra sem hafa verið fjarverandi hafa hins vegar vaxið hratt í þau hlutverk sem þeim eru ætluð og bætt sig leik frá leik. Leikmenn á borð við Arnór Sigurðsson og Albert Guðmundsson eru komnir langt í sínu þróunarferli og þeir banka fast á dyrnar annaðhvort í byrjunarliðið eða að koma inn sem varamenn sem breyta gangi leikja,“ segir hann enn fremur. „Við fengum að kynnast mörgum leikmönnum í þessum leikjum. Það má í raun segja að sá leikmannahópur sem við höfðum í þessum leikjum hafi innihaldið marga leikmenn sem ætlunin var að skoða í þeim verkefnum sem eru áformuð í janúar. Þannig höfum við skýra mynd af því hversu langt ákveðnir leikmenn eru komnir og hvernig þeir passa inn í þá hugmyndafræði sem við komum til með að spila eftir. Það kom líka skemmtilega á óvart hversu vel tókst til að spila í þriggja miðvarða leikkerfi. Það er gott að hafa náð að bæta vopnum í vopnabúrið hvað leikkerfi varðar,“ segir Breiðhyltingurinn um þá jákvæðu punkta sem taka má úr undanförnum leikjum. „Ég er núna í þeirri vinnu að leikgreina alla leiki ársins og gefa leikmönnum endurgjöf á þá leiki sem við vorum að spila við Belgíu og Katar. Við vorum ánægðir með viss atriði í þeim leikjum og mér finnst hafa verið stígandi í spilamennsku liðsins undir okkar stjórn. Ég sé það hins vegar betur þegar ég er búinn að leikgreina leikina á nánari hátt en mögulegt er á milli leikja hvaða lærdóm við getum dregið af leikjunum. Við þurfum að huga vel að smáatriðunum í okkar leik og við verðum að halda áfram að leika á eins taktískt fullkominn hátt og mögulegt er til þess að ná í hagstæð úrslit," segir hann um verkefni sín þessa dagana. „Ég hef þó nokkuð verið að velta vöngum yfir því eftir að ég tók við þessu starfi hvers vegna þeir leikmenn sem eru að koma upp í A-liðið þessa stundina og á næstunni hafa allir svipaða eiginleika. Það er ósamræmi milli þess hversu marga leikmenn við eigum í hæsta gæðaflokki í U-21 árs liðinu aftarlega og framarlega á vellinum. Hugsanlegt er að yfirmaður knattspyrnumála geti gripið inn í svona þróun á fyrri stigum. Ég er hins vegar ekki viss um hvert hlutverk hans verður, mér finnst það svolítið óljóst. Það verður svo bara að koma í ljós hvernig sá aðili getur nýst okkur landsliðsþjálfurunum,“ segir aðstoðarlandsliðsþjálfarinn um þróun mála í íslenska knattspyrnusamfélaginu.
Birtist í Fréttablaðinu Íslenski boltinn Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport Chelsea Sambandsdeildarmeistari 2025 Fótbolti United niðurlægt í Malasíu Enski boltinn „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Læti fyrir leik í Póllandi Stal senunni í fagnaðarlátum Arsenal „Ég set spurningarmerki við þennan tímapunkt“ Chelsea Sambandsdeildarmeistari 2025 Damir þakkar fyrir sig eftir stutta dvöl í Asíu Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Steinhissa á að leikmaður sinn væri mættur á úrslitaleikinn Fanndís kölluð inn í landsliðið eftir fimm ára fjarveru Leita til Liverpool að nýjum kollega Hákonar „Sumir þurftu því miður að yfirgefa svæðið“ Dómari í máli Maradona hættir vegna umdeildrar þátttöku í heimildaþáttaröð „Skeptískir að einhver Íslendingur gæti gert Brann að góðu fótboltaliði“ Þeir bestu (3. sæti): Sannkallaður Benjamin Button Hólmbert skiptir um félag Sagður undir áhrifum, pissa í klefa Roma og senda tvo á sjúkrahús Biðst afsökunar á afar ljótum ummælum í Árbæ Munda missir af landsleik vegna útskriftar úr Harvard Eiginkonurnar fljúga frítt á meðan starfsmennirnir sitja eftir heima Stuðningsmenn Chelsea köstuðu glösum og stólum í Póllandi „Ég er svo pirruð, ég er svo pirruð“ Nýr sex ára samningur hjá Lamine Yamal Jón Þór dæmdur í leikbann og þjálfari Árbæjar fékk fjóra leiki Bestu kaupin, nýyrði í boltanum og hver verður markakóngur? „Án Meistaradeildarinnar þurfum við ekki stóran leikmannahóp“ Missti markmannsstöðuna og hætti með landsliðinu Sævar Atli orðinn leikmaður Brann Þróttur geti klárlega landað titlinum: „Mér finnst þetta stórkostlegt lið“ Júlíus meiddur og Tómas tekinn inn í landsliðshópinn Sjá meira