Weird Al Yankovic á Íslandi

Fjöllistamaðurinn Weird Al Yankovic er þessa dagana staddur á Íslandi en hann greindi frá því með mynd á Twitter síðu sinni. Færsluna og myndina má sjá neðst í fréttinni.

Yankovic deildi mynd af sér standandi við skilti á mótum Bergstaðastrætis og Skólavörðustígs með Hegningarhúsið í bakgrunn. Í færslunni sagðist Yankovic ætla að formlega að breyta nafni sínu í „Weird Al“ Reykjavík.

Yankovic sem er þekktastur fyrir ábreiður sínar þar sem hann skopstælir þekkt lög annarra listamanna auk þess sem hann hefur leikið í fjölda þátta og kvikmynda.

Tónlistin hefur þó verið hans aðalsmerki og hefur hann til að mynda hlotið fern Grammy verðlaun á ferlinum.

Officially changing my name to “Weird Al” Reykjavík pic.twitter.com/Rp5NZ4VTiT

— Al Yankovic (@alyankovic) July 13, 2018