Breytingar á ísbúð valda áhyggjum vestur í bæ Jakob Bjarnar skrifar 10. janúar 2018 10:46 Breytingar á Ísbúð Vesturbæjar er mörgum hjartfólgin. Meðal annarra Agli Helgasyni og Helgu Völu Helgadóttur. Til stendur að breyta innréttingum í Ísbúð Vesturbæjar við Hagamel. Merkileg umræða er um þetta í Facebook-hópi þar sem málefni Vesturbæjarins eru sérstaklega til umræðu. Þar hafa nokkrir lýst yfir áhyggjum og telja að þarna sé verið að kasta miklum menningarverðmætum á glæ; sögulegum minjum. Að sögn framkvæmdastjórans, Kristmanns Óskarssonar, eru þetta smávægilegar og praktískar breytingar. „Það er verið að setja gler í staðinn fyrir stálklædda granítplötu. Svo fólk sjái hvað er í boði. Ekkert stórvægilegt,“ segir Kristmann sem kannast við umræðuna. Kristmann, sem segir að farið verði í þessar breytingar fljótlega á næstu dögum, getur með engu móti séð að svo sé, um er að ræða sjoppuafgreiðsluborð. Það er hátt og óhentugt og verið að breyta því til samræmis við það sem gerist og gengur í þeim efnum í öðrum búðum Ísbúðar Vesturbæjar, en þær eru víða, ekki bara við Hagamel, heldur einnig í Skipholti, við Grensásveg, í Brekkuhúsum og Bæjarlind í Kópavogi.Menningarverðmæti í hættuEn, Kristmann segir jafnframt það afar ánægjulegt að fólki skuli vera svo umhugað um búðina. Hann þekkti hins vegar ekki sögu innréttinganna sérstaklega, segir þær til komnar fyrir sína tíð. Og framkvæmdastjórinn þekkti ekki til neinna skráðra heimilda um innréttinguna sem slíka. Eins og áður sagði er nokkur umræða um þetta í Facebookhópnum Vesturbærinn. Málshefjandi er Guðfinna Mjöll Magnúsdóttir segir þetta algerlega einstaka innréttingu og ísbúðin algjör perla. Vert sé að benda eigendum á „hversu miklar menningarminjar þessi verslun er þegar orðin.“ Ýmsir taka undir með Guðfinna meðal annarra þingmaðurinn Helga Vala Helgadóttir sem segir einfaldlega: „Neihhhh glætan!“Bobby Fischer. Bandaríski Íslendingurinn var heimsmeistari frá 1972 til 1975. Hann keypti sér mjólkurhristing í Ísbúð Vesturbæjar að sögn Egils Helgasonar.Bobby Fischer fékk sér ís vestur í bæEgill Helgason sjónvarpsmaður er fjölfróður, þekkir byggingarsögu Vesturbæjar sérlega vel og hann leggur í púkkið skemmtilegan fróðleik: „Man eftir því þegar þessi innrétting var sett upp, manni þótti hún stórskrítin, hún var ekki í samræmi við neitt sem var í tísku þá. Ísbúðin var stofnuð af manni sem ég finn nú á netinu að hét Aðalsteinn Bjarnfreðsson, bróðir Magnúsar sjónvarpsmanns og Aðalheiðar alþingismanns. Þetta var hinn vænsti karl. Ég man að hann var mjög stoltur af því að Bobby Fischer hefði komið í ísbúðina á tíma heimsmeistaraeinvígisins 1972 og fengið sér mjög þykkan sjeik. Spurði stundum hvort maður vildi hafa sjeikinn jafn þykkan og Fischer. (Maður ætti hins vegar tæplega að versla við þessa ísbúðakeðju fyrr en þeir hætta að nota styrofoam málin.)“Krakkar hafa slasað sig í búðinniOg þó flestir sem taka til máls séu íhaldssamir og hafi jafnvel áhyggjur af því að þarna sé verið að fórna menningarverðmætum eru aðrir sem fagna breytingum. Svava G. Sverrisdóttir er ein þeirra: „Ég er greinilega háöldruð því ég man eftir innréttingunni sem var á undan þessari innréttingu og því er þetta enginn „originall“ fyrir mér. Ég játa að ég fagna þessum tíðindum afar mikið því sonur minn slasaði sig mjög illa þegar hann datt á einn af niðurboltuðu stálstólunum og mér skilst að það hafi verið nokkuð mikið um að krakkar hafi meitt sig í þessari búð,“ segir Svava og bætir því við að þetta séu, sem sagt, mjög góð tíðindi. Og með fylgir broskall.Uppfært 11:45 Víst er að ísbúðin vestur í bæ er fólki ofarlega í huga. Þannig hefur fréttastofu borist ábending um að mjög líklega sé það Guðni Erlendsson, athafna- og ævintýramaður sem nú er fluttur til Danmerkur þar sem hann rekur gistiþjónustu, hafi gert innréttingarnar umræddar á sínum tíma. Guðni rak meðal annars keramíkverkstæði sem hét Eldstó, hann kom að stofnun og rekstri veitingastaðarins sögufræga Hornsins, en var keyptur þar út og gerðist sérfróður um neðanlýsingu, svo eitthvað sé nefnt. Þar til annað sannara reynist er hann hér með skrifaður fyrir þessum eftirtektarverða innanhússarkítektúr. Neytendur Mest lesið Grjóthart nei hjá dúxinum í Yale Innlent Farþegar látnir sofa á gólfinu á hóteli í Keflavík Innlent Bíll konunnar sást á upptöku Innlent Þáttastjórnendum X-sins sagt upp Innlent Hátt í tveggja tíma veðmálaauglýsing í boði Rúv Innlent Landsmenn allir harmi slegnir Innlent „Versti tíminn, allra versti tíminn“ Innlent Grunaður hraðbankaþjófur í gæslu eftir allt saman Innlent Aðstoðar allt að fimmtán ára gömul börn að hætta með bleyju Innlent Hella áfenginu niður og hringja í foreldra Innlent Fleiri fréttir Hundamatur reyndist vera kíló af kannabis Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Áfall fyrir RIFF Skipar samningateymi um uppbyggingu Víkings á Markarsvæði Leituðu ítrekað í geymslur stofnunar Tillaga um að stækka Hótel Flatey felld Landsmenn allir harmi slegnir Sósíalistar og Rússlandsvinir undir eitt þak „Kannski verður maður grátandi hálft hlaupið, en þá bara er það þannig“ Bærinn hefur afhent lögreglu myndefni í tengslum við hraðbankaránið Sjá meira
Til stendur að breyta innréttingum í Ísbúð Vesturbæjar við Hagamel. Merkileg umræða er um þetta í Facebook-hópi þar sem málefni Vesturbæjarins eru sérstaklega til umræðu. Þar hafa nokkrir lýst yfir áhyggjum og telja að þarna sé verið að kasta miklum menningarverðmætum á glæ; sögulegum minjum. Að sögn framkvæmdastjórans, Kristmanns Óskarssonar, eru þetta smávægilegar og praktískar breytingar. „Það er verið að setja gler í staðinn fyrir stálklædda granítplötu. Svo fólk sjái hvað er í boði. Ekkert stórvægilegt,“ segir Kristmann sem kannast við umræðuna. Kristmann, sem segir að farið verði í þessar breytingar fljótlega á næstu dögum, getur með engu móti séð að svo sé, um er að ræða sjoppuafgreiðsluborð. Það er hátt og óhentugt og verið að breyta því til samræmis við það sem gerist og gengur í þeim efnum í öðrum búðum Ísbúðar Vesturbæjar, en þær eru víða, ekki bara við Hagamel, heldur einnig í Skipholti, við Grensásveg, í Brekkuhúsum og Bæjarlind í Kópavogi.Menningarverðmæti í hættuEn, Kristmann segir jafnframt það afar ánægjulegt að fólki skuli vera svo umhugað um búðina. Hann þekkti hins vegar ekki sögu innréttinganna sérstaklega, segir þær til komnar fyrir sína tíð. Og framkvæmdastjórinn þekkti ekki til neinna skráðra heimilda um innréttinguna sem slíka. Eins og áður sagði er nokkur umræða um þetta í Facebookhópnum Vesturbærinn. Málshefjandi er Guðfinna Mjöll Magnúsdóttir segir þetta algerlega einstaka innréttingu og ísbúðin algjör perla. Vert sé að benda eigendum á „hversu miklar menningarminjar þessi verslun er þegar orðin.“ Ýmsir taka undir með Guðfinna meðal annarra þingmaðurinn Helga Vala Helgadóttir sem segir einfaldlega: „Neihhhh glætan!“Bobby Fischer. Bandaríski Íslendingurinn var heimsmeistari frá 1972 til 1975. Hann keypti sér mjólkurhristing í Ísbúð Vesturbæjar að sögn Egils Helgasonar.Bobby Fischer fékk sér ís vestur í bæEgill Helgason sjónvarpsmaður er fjölfróður, þekkir byggingarsögu Vesturbæjar sérlega vel og hann leggur í púkkið skemmtilegan fróðleik: „Man eftir því þegar þessi innrétting var sett upp, manni þótti hún stórskrítin, hún var ekki í samræmi við neitt sem var í tísku þá. Ísbúðin var stofnuð af manni sem ég finn nú á netinu að hét Aðalsteinn Bjarnfreðsson, bróðir Magnúsar sjónvarpsmanns og Aðalheiðar alþingismanns. Þetta var hinn vænsti karl. Ég man að hann var mjög stoltur af því að Bobby Fischer hefði komið í ísbúðina á tíma heimsmeistaraeinvígisins 1972 og fengið sér mjög þykkan sjeik. Spurði stundum hvort maður vildi hafa sjeikinn jafn þykkan og Fischer. (Maður ætti hins vegar tæplega að versla við þessa ísbúðakeðju fyrr en þeir hætta að nota styrofoam málin.)“Krakkar hafa slasað sig í búðinniOg þó flestir sem taka til máls séu íhaldssamir og hafi jafnvel áhyggjur af því að þarna sé verið að fórna menningarverðmætum eru aðrir sem fagna breytingum. Svava G. Sverrisdóttir er ein þeirra: „Ég er greinilega háöldruð því ég man eftir innréttingunni sem var á undan þessari innréttingu og því er þetta enginn „originall“ fyrir mér. Ég játa að ég fagna þessum tíðindum afar mikið því sonur minn slasaði sig mjög illa þegar hann datt á einn af niðurboltuðu stálstólunum og mér skilst að það hafi verið nokkuð mikið um að krakkar hafi meitt sig í þessari búð,“ segir Svava og bætir því við að þetta séu, sem sagt, mjög góð tíðindi. Og með fylgir broskall.Uppfært 11:45 Víst er að ísbúðin vestur í bæ er fólki ofarlega í huga. Þannig hefur fréttastofu borist ábending um að mjög líklega sé það Guðni Erlendsson, athafna- og ævintýramaður sem nú er fluttur til Danmerkur þar sem hann rekur gistiþjónustu, hafi gert innréttingarnar umræddar á sínum tíma. Guðni rak meðal annars keramíkverkstæði sem hét Eldstó, hann kom að stofnun og rekstri veitingastaðarins sögufræga Hornsins, en var keyptur þar út og gerðist sérfróður um neðanlýsingu, svo eitthvað sé nefnt. Þar til annað sannara reynist er hann hér með skrifaður fyrir þessum eftirtektarverða innanhússarkítektúr.
Neytendur Mest lesið Grjóthart nei hjá dúxinum í Yale Innlent Farþegar látnir sofa á gólfinu á hóteli í Keflavík Innlent Bíll konunnar sást á upptöku Innlent Þáttastjórnendum X-sins sagt upp Innlent Hátt í tveggja tíma veðmálaauglýsing í boði Rúv Innlent Landsmenn allir harmi slegnir Innlent „Versti tíminn, allra versti tíminn“ Innlent Grunaður hraðbankaþjófur í gæslu eftir allt saman Innlent Aðstoðar allt að fimmtán ára gömul börn að hætta með bleyju Innlent Hella áfenginu niður og hringja í foreldra Innlent Fleiri fréttir Hundamatur reyndist vera kíló af kannabis Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Áfall fyrir RIFF Skipar samningateymi um uppbyggingu Víkings á Markarsvæði Leituðu ítrekað í geymslur stofnunar Tillaga um að stækka Hótel Flatey felld Landsmenn allir harmi slegnir Sósíalistar og Rússlandsvinir undir eitt þak „Kannski verður maður grátandi hálft hlaupið, en þá bara er það þannig“ Bærinn hefur afhent lögreglu myndefni í tengslum við hraðbankaránið Sjá meira