Telur að Ís­lendingar hafi verið með í ráðum við að svindla fé út úr í­þrótta­fé­lögum

Auður Inga Þorsteinsdóttir framkvæmdastjóri Ungmennafélags Íslands telur fullvíst að einhver eða einhverjir Íslendingar hafi verið með í ráðum við að svindla fjármunum út úr íþróttafélögum nýverið.

Í tölvupóstum til gjaldkera félaganna, þar sem þeir voru beðnir að leggja upphæðir inn á tiltekna reikninga erlendis, hafi komið fram staðgóð þekking á innviðum félaganna, nöfn og stöður stjórnenda þeirra, og ýmsar aðrar upplýsingar sem hvergi komi fram á heimasíðum félaganna.

Þá sé íslenskan lýtalaus, eða betri en nokkurt þýðingarforrit gæti náð, þótt þeim fari fram.

Ekki hefur komist upp um svindlarana, svo fréttastofu sé kunnugt um.