Íslenski boltinn

99 dagar síðan að FH vann síðast útileik í Pepsi-deildinni

Óskar Ófeigur Jónsson skrifar
FH hefur nþu leikið sjö útileiki í röð í deild og bikar á móti Pepsi-deildarliðum án þess að ná að vinna. Hér er mynd frá tapleik þeirra í bikarnum á móti Stjörnunni.
FH hefur nþu leikið sjö útileiki í röð í deild og bikar á móti Pepsi-deildarliðum án þess að ná að vinna. Hér er mynd frá tapleik þeirra í bikarnum á móti Stjörnunni. Fréttablaðið/Ernir
FH-ingar geta endað kvöldið þrettán stigum frá efsta sæti Pepsi-deildar karla en Hafnarfjarðarliðið er nú í 5. sæti deildarinnar þegar fimm umferðir eru eftir.

FH náði bara jafntefli á Fylkisvellinum í gær og bið liðsins eftir útisigri í Pepsi-deildinni lengdist því enn.

Síðasti útisigur FH-inga í Pepsi-deildinni var á móti Fjölni 13. maí síðastliðinn. Síðan eru liðnir 99 dagar.

Næsti útileikur er á móti Keflavík 26. ágúst næstkokmandi eða eftir sex daga. Keflavík hefur tapað öllum átta heimaleikjum sínum í sumar.

FH-liðið vann reyndar tvo fyrstu útileiki sumarsins, á móti Grindavík og Fjölni, en síðan hefur liðið aðeins náð í fjögur stig úr sex útileikjum.



Útileikir FH í Pepsi-deild karla í sumar:

Mjög góð byrjun ...

28. apríl: 1-0 sigur á Grindavík

13. maí: 3-2 sigur á Fjölni

6 stig af 6 mögulegum (100%) og +2 í markatölu (4-2)

... en síðan

21. maí: 0-0 jafntefli við ÍBV

10. júní: 2-2 jafntefli við KR

20. júní: 2-1 tap fyrir Val

22. júlí: 4-1 tap fyrir Breiðabliki

8. ágúst: 1-1 jafntefli við KA

19. ágúst: 1-1 jafntefli við Fylki

4 stig af 18 mögulegum (22%) og -4 í markatölu (6-10)

Pepsi Max-deild karla

Mest lesið


Fleiri fréttir

Sjá meira


×

Mest lesið