Leikmaður FH í dag skoraði í síðasta bikarsigrinum á Stjörnunni fyrir 17 árum

Stjarnan og FH mætast í kvöld í undanúrslitum Mjólkurbikars karla í fótbolta og er von á mikilli baráttu á milli þessara nágranna og erkifjenda síðustu ára.

Leikurinn hefst klukkan 19.15 á Samsung vellinum í Garðabæ og er einnig sýndur beint á Stöð 2 Sport.

Stjarnan vann síðasta bikarleik félaganna fyrir fimm árum en það eru liðin meira en sautján ár síðan að FH sló Stjörnuna síðast út úr bikarnum.

Síðasti bikarsigur FH á Stjörnunni kom í sextán liða úrslitum 2001 en sá leikur fór fram á þá grasvelli Stjörnunnar í Garðabænum. FH vann leikinn 2-0.

Atli Viðar Björnsson skoraði fyrra mark FH í leiknum en hann er enn að spila með Hafnarfjarðarliðinu.

Atli Viðar kom FH í 1-0 strax á fjórðu mínútu leiksins en Jóhann G. Möller skoraði seinna markið á 58. mínútu.

Atli Viðar var þarna 21 árs og á sínu fyrsta tímabilið með FH. Hann er núna 38 ára gamall og á sínu sautjánda tímabili í Kaplakrikanum.  Atli Viðar hefur spilað með FH öll tímabil nema 2007 þegar hann var í láni hjá Fjölni.

Rúnar Páll Sigmundsson, núverandi þjálfari Stjörnuliðsins, var nálægt því að jafna metin áður en FH komst í 2-0. Hann skallaði þá naumlega framhjá í upphafi seinni hálfleiks.

Annar leikmaður FH í dag spilaði líka í þessum leik en það er fyrirliðinn Davíð Þór Viðarsson sem þá var aðeins sautján ára gamall.

Rúnar Páll Sigmundsson var fyrirliði Stjörnunnar í þessum leik en enginn leikmaður Stjörnunnar í dag tók þátt í honum.

FH vann Stjörnuna líka í 2-0 í bikarnum árið eftir en síðustu fjórir bikarleikir félaganna hafa allir verið í sextán liða úrslitunun. Nú mætast þau hins vegar í undanúrslitum.

Síðustu bikarleikir Stjörnunnar og FH:

16 liða úrslit 2013: Stjarnan vann 3-1

16 liða úrslit 2001: FH vann 2-0

16 liða úrslit 2001: FH vann 2-0

16 liða úrslit 1999: Stjarnan vann 4-0