Vilja falleg andlit frekar en vöðvafjöll

Íslenskar stúlkur heillast frekar af snoppufríðum strákum en vöðvabúntum. Þetta er meðal niðurstaðna mjög óvísindalegrar rannsóknar myndbandagerðarmannsins Adrian Gee. Hann sótti Ísland heim á dögunum og ræddi við kvenfólk sem á vegi hans varð.

Hann lagði einfalda spurningu fyrir stúlkurnar: Ef þú þyrftir að velja á milli manns með fallegt andlit eða manns með stóra vöðva, hvor yrði fyrir valinu?

Það stóð ekki á svörum. Allar stúlkurnar sem Gee ræddi við völdu stráka með falleg andlit fram yfir vöðvana.

Niðurstöður „rannsóknar“ hans má sjá hér að neðan.

Adrian Gee nýtur nokkurra vinsælda á Youtube þar sem rúmlega 1.2 milljónir manna eru áskrifendur að myndböndum hans. Þau fjalla alla jafna um samskipti kynjanna, kynlíf og hvernig skuli ganga í augun á kvenfólki.