Tveir skiptu á milli sín tíu milljónum í Happdrætti Háskólans

Tveir miðaeigendur fengu hæsta vinning í aðalútdrætti kvöldsins í Happdrætti Háskóla Íslands og fær hvor því 5 milljónir í sinn hlut. Þar að auki fengu sjö miðaeigendur eina milljón króna og sextán miðaeigendur fengu hálfa milljón króna hver.

Samtals skiptu 3353 miðaeigendur með sér 107 milljónum króna eftir útdrátt kvöldsins. Milljónaveltan, sem var fjórföld áður en dregið var út í kvöld, gekk ekki út og þýðir það að við næsta útdrátt í júlí verða heilar 50 milljónir í pottinum.