Kúrdar staðfesta að Haukur sé látinn Samúel Karl Ólason skrifar 9. mars 2018 21:45 Mynd frá IFB af Hauki. IFB Fulltrúar útlagastjórnar sýrlenskra Kúrda í Afrinhéraði afhentu móður Hauks Hilmarssonar, Evu Hauksdóttur, skjöl í Glasgow í dag þar sem staðfest er að Haukur hafi fallið í loftárás Tyrkja í Sýrlandi þann 24. febrúar. Loftárásir hafa komið í veg fyrir að tekist hafi að sækja lík Hauks og tveggja annarra sem féllu. Einhverjir særðust þegar sækja átti líkin til greftrunar og nú hafi Tyrkir náð tökum á svæðinu. Fulltrúi útlagastjórnarinnar hefur útvegað Vísi afrit af skjölunum en um er að ræða yfirlýsingar frá félögum Hauks í YPG til fjölskyldu hans og sömuleiðis frá yfirmönnum International Freedom Brigade, samtaka vinstri sinnaðra erlendra meðlima YPG. Þar að auki er yfirlýsing IFB til Kúrda um fall Hauks og dánarvottorð. Náðu ekki sambandi við fjölskyldu Hauks Haukur Hilmarsson var 31 árs gamall og féll í sprengjuregni Tyrkja í innrás þeirra og uppreisnarmanna sem þeir styðja í Afrin-hérað. Í bréfi félaga Hauks, þar sem fjölskyldu hans er vottuð samúð þeirra, segir að þeim þyki miður að geta ekki rætt beint við fjölskylduna vegna samskiptaörðugleika og stríðsins. Í bréfinu segir að Haukur hafi elskað fólk og náttúruna einnig. Hann hafi sömuleiðis verið mjög hrifinn af Afrin og hafi ætlað sér að búa þar eftir að stríðinu lyki. Þá hafi Haukur barist af miklu hugrekki. Fyrst gegn vígamönnum Íslamska ríkisins og svo gegn Tyrkjum og bandamönnum þeirra í Afrin. Sjá einnig: Segir útilokað að vita hvort þau fái lík Hauks „Hann barðist við hlið margra ungra araba og hjálpaði þeim oft, jafnvel þó þeir hafi ekki talað sama tungumálið. Þeir tengdust vel vegna mannúðar Hauks og einstaks persónuleika hans. Hann sagði oft brandara, en vildi aldrei særa neinn. Hann var ávallt að hugsa um hvernig við gætum ýtt undir byltinguna og deildu hugsunum sínum. Hann stóð ótrúlega fast á skoðunum sínum og það, auk persónuleika hans, þýddi að hann varð fljótt leiðtogi í herdeildinni og var í forsvari fyrir félaga sína í flokki okkar. Hann treysti okkur og við treystum honum fyllilega,“ segir í bréfinu. Leiðtogar IFB votta fjölskyldunni sömuleiðis samúð sína og segja fjölskyldu Hauks geta verið stolta af honum. Hann eigi það skilið fyrir allt sem hann gerði fyrir íbúa Afrin. Þeir biðjast einnig afsökunar á því að hafa ekki getað rætt beint við fjölskylduna. Reynt hafi verið að hringja í þau en það hafi ekki gengið eftir. Því hafi dauði hans verið tilkynntur á samfélagsmiðlum. Leiðtogarnir segja Hauk hafa verið hamingjusaman og vongóðan þrátt fyrir erfiðar aðstæður og hann hafi barist af ósérhlífni. „Hann hætti aldrei að brosa, jafnvel þegar sprengjurnar sprungu í kringum hann,“ segir í bréfinu. Enn fremur segir að Haukur og félagar hans hafi verið í varnarstöðu á hæð nærri þorpinu Badina. Þeir hafi stöðvað árás á hæðina og þá hafi loftárásir verið gerðar. Tveir menn særðust en sluppu af hæðinni en Haukur og tveir arabar sem börðust með honum féllu. Eftir það hafi stanslausar árásir verið gerðar á svæðinu og því hafi ekki verið hægt að ná í lík þeirra. Loftárásir voru gerðar á menn sem reyndu það og særðust þeir. Síðan þá hafi Tyrkir náð tökum á svæðinu. Þorpið sem Haukur var að verja þegar hann féll. Í skjölunum segir að Haukur hafi gengið til liðs við YPG í gegnum gríska anarkistahópinn RUIS sem tilheyrir alþjóðlegri frelsishreyfingu tengdri stríðinu í Sýrlandi árið 2017. RUIS-hópurinn var stofnaður árið 2015 og er að mestu skipaður grískum sjálfboðaliðum. Tyrkneskur blaðamaður greindi fyrstur frá falli Hauks á Twitter og í framhaldinu dreifðust tíðindin í ýmsa tyrkneska fjölmiðla og víðar á samfélagsmiðlum. Kúrdar og Sýrlendingar syrgðu Hauk og kölluðu hann hetju á meðan Tyrkir fögnuðu og sögðu að hryðjuverkamaður væri fallinn. Utanríkisráðuneytið og alþjóðadeild Ríkislögreglustjóra hafa unnið að því að staðfesta dauða Hauks í gegnum stjórnvöld í Tyrklandi og tengslanet alþjóðadeildarinnar en án árangurs. Afrin-hérað er við landamæri Tyrklands en héraðið lýtur stjórn sýrlenskra Kúrda. Sókn Tyrkja inn í héraðið hefur staðið yfir síðan í janúar en þeir njóta liðsinnis sýrlenskra uppreisnarmanna. Þá hafa Tyrkir verið sakaðir um að gera loftárásir á almenna borgara og sömuleiðis hafa uppreisnarmenn þeirra meðal annars verið sakaðir um aftökur borgara og þjófnað. Dæmdar skaðabætur fyrir ólögmæta handtöku Haukur, sem var 31 árs gamall, komst í sviðsljós fjölmiðla hér á landi í nóvember árið 2008 þegar hann dró fána verslunarinnar Bónus að húni á Alþingishúsinu. Haukur var handtekinn af lögreglu tveimur vikum síðar. Lögreglan bar því við að handtakan tengdist eftirstöðvum átján daga fangelsisdóms fyrir að hafa ekki farið eftir fyrirmælum lögreglu þegar hann tók þátt í mótmælaaðgerðum gegn Kárahnjúkavirkjun og stóriðjuframkvæmdum í Reyðarfirði. Fjölmargir mótmælendur mættu í kjölfarið fyrir utan lögreglustöðina við Hlemm vegna handtökunnar, tóku sér stöðu þar og gerðu sumir tilraun til að frelsa hann. Tveimur árum síðar voru Hauki dæmdar 150 þúsund krónur í bætur frá íslenska ríkinu vegna handtökunnar sem var sögð harkaleg og niðurlægjandi. Mál Hauks Hilmarssonar Sýrland Tengdar fréttir Íslendingur sagður hafa fallið í stríðsátökum í Sýrlandi Haukur Hilmarsson barðist með her sýrlenskra Kúrda í Afrin-héraði. 7. mars 2018 06:00 Byltingin ólgaði í æðum Hauks Hilmarssonar Eva Hauksdóttir birtir hjartnæma minningu um Hauk son sinn. 9. mars 2018 16:40 Eva orðin vondauf um að sonur hennar sé á lífi Aðstandendur Hauks Hilmarssonar hafa fundað með opinberum aðilum. 8. mars 2018 15:51 Mest lesið Engu mátti muna á að alvarlegur árekstur yrði á þjóðveginum Innlent „Það gæti tekið bara fimmtán mínútur að kála þeim“ Innlent Hleypti líklega óvart úr Innlent Inga ætlar ekki að biðjast afsökunar Innlent Þriggja ára barn ráfaði af leikskólanum og í Bónus Innlent Fjöldi ökumanna sektaður fyrir að leggja ólöglega Innlent Skipstjóri handtekinn talinn vera undir áhrifum Innlent „Kemur af sama lager og það sem er selt í partýinu í næsta bæ“ Innlent Pútín lætur sér fátt um finnast Erlent „Ég var örugglega getinn í Land Rover“ Innlent Fleiri fréttir Ólöf Tara yrði hissa en þakklát að gangan sé tileinkuð henni „Ekki bara fávísir hitabeltisbúar sem eru að detta á hausinn“ Yfirleitt Íslendingar sem aki utan vega Skipstjóri handtekinn talinn vera undir áhrifum „Ég var örugglega getinn í Land Rover“ „Valda fleiri húðkrabbameinum en sígarettur lungnakrabbameini“ Göngumaður í sjálfheldu við Hestskarð Ákall um ljósabekkjabann og gengið fyrir Ólöfu Töru Enn rís land í Svartsengi Engu mátti muna á að alvarlegur árekstur yrði á þjóðveginum Hleypti líklega óvart úr Kominn úr lífshættu eftir stunguárás við Mjóddina Gísli Jóns í tveimur útköllum frá miðnætti „Það gæti tekið bara fimmtán mínútur að kála þeim“ Maðurinn er fundinn Ekki sekur um að hafa valdið dauða manns í Kiðjabergi Fagnar áherslum ríkisstjórnarinnar í sjávarútvegi Ræðukóngurinn talaði í rúman sólarhring Miklar bikblæðingar á Norðurlandi Ræðukóngur Alþingis tekinn tali og varað við bikblæðingum á þjóðvegunum Þriggja ára barn ráfaði af leikskólanum og í Bónus Varnarviðbragð húðarinnar að verða brún í sól „Það þarf enginn að vera með vopn nema sérsveitin“ Hitinn 14 til 28 stig í dag: Vara við því að skilja hundinn eftir í bílnum Fjöldi ökumanna sektaður fyrir að leggja ólöglega Akureyri skelfur vegna jarðhræringa við Grímsey Inga ætlar ekki að biðjast afsökunar Tæpur fjórðungur umræðutímans fór í veiðigjöld Þyrlan kölluð út að sækja veikan farþega á skemmtiferðakipi „Kemur af sama lager og það sem er selt í partýinu í næsta bæ“ Sjá meira
Fulltrúar útlagastjórnar sýrlenskra Kúrda í Afrinhéraði afhentu móður Hauks Hilmarssonar, Evu Hauksdóttur, skjöl í Glasgow í dag þar sem staðfest er að Haukur hafi fallið í loftárás Tyrkja í Sýrlandi þann 24. febrúar. Loftárásir hafa komið í veg fyrir að tekist hafi að sækja lík Hauks og tveggja annarra sem féllu. Einhverjir særðust þegar sækja átti líkin til greftrunar og nú hafi Tyrkir náð tökum á svæðinu. Fulltrúi útlagastjórnarinnar hefur útvegað Vísi afrit af skjölunum en um er að ræða yfirlýsingar frá félögum Hauks í YPG til fjölskyldu hans og sömuleiðis frá yfirmönnum International Freedom Brigade, samtaka vinstri sinnaðra erlendra meðlima YPG. Þar að auki er yfirlýsing IFB til Kúrda um fall Hauks og dánarvottorð. Náðu ekki sambandi við fjölskyldu Hauks Haukur Hilmarsson var 31 árs gamall og féll í sprengjuregni Tyrkja í innrás þeirra og uppreisnarmanna sem þeir styðja í Afrin-hérað. Í bréfi félaga Hauks, þar sem fjölskyldu hans er vottuð samúð þeirra, segir að þeim þyki miður að geta ekki rætt beint við fjölskylduna vegna samskiptaörðugleika og stríðsins. Í bréfinu segir að Haukur hafi elskað fólk og náttúruna einnig. Hann hafi sömuleiðis verið mjög hrifinn af Afrin og hafi ætlað sér að búa þar eftir að stríðinu lyki. Þá hafi Haukur barist af miklu hugrekki. Fyrst gegn vígamönnum Íslamska ríkisins og svo gegn Tyrkjum og bandamönnum þeirra í Afrin. Sjá einnig: Segir útilokað að vita hvort þau fái lík Hauks „Hann barðist við hlið margra ungra araba og hjálpaði þeim oft, jafnvel þó þeir hafi ekki talað sama tungumálið. Þeir tengdust vel vegna mannúðar Hauks og einstaks persónuleika hans. Hann sagði oft brandara, en vildi aldrei særa neinn. Hann var ávallt að hugsa um hvernig við gætum ýtt undir byltinguna og deildu hugsunum sínum. Hann stóð ótrúlega fast á skoðunum sínum og það, auk persónuleika hans, þýddi að hann varð fljótt leiðtogi í herdeildinni og var í forsvari fyrir félaga sína í flokki okkar. Hann treysti okkur og við treystum honum fyllilega,“ segir í bréfinu. Leiðtogar IFB votta fjölskyldunni sömuleiðis samúð sína og segja fjölskyldu Hauks geta verið stolta af honum. Hann eigi það skilið fyrir allt sem hann gerði fyrir íbúa Afrin. Þeir biðjast einnig afsökunar á því að hafa ekki getað rætt beint við fjölskylduna. Reynt hafi verið að hringja í þau en það hafi ekki gengið eftir. Því hafi dauði hans verið tilkynntur á samfélagsmiðlum. Leiðtogarnir segja Hauk hafa verið hamingjusaman og vongóðan þrátt fyrir erfiðar aðstæður og hann hafi barist af ósérhlífni. „Hann hætti aldrei að brosa, jafnvel þegar sprengjurnar sprungu í kringum hann,“ segir í bréfinu. Enn fremur segir að Haukur og félagar hans hafi verið í varnarstöðu á hæð nærri þorpinu Badina. Þeir hafi stöðvað árás á hæðina og þá hafi loftárásir verið gerðar. Tveir menn særðust en sluppu af hæðinni en Haukur og tveir arabar sem börðust með honum féllu. Eftir það hafi stanslausar árásir verið gerðar á svæðinu og því hafi ekki verið hægt að ná í lík þeirra. Loftárásir voru gerðar á menn sem reyndu það og særðust þeir. Síðan þá hafi Tyrkir náð tökum á svæðinu. Þorpið sem Haukur var að verja þegar hann féll. Í skjölunum segir að Haukur hafi gengið til liðs við YPG í gegnum gríska anarkistahópinn RUIS sem tilheyrir alþjóðlegri frelsishreyfingu tengdri stríðinu í Sýrlandi árið 2017. RUIS-hópurinn var stofnaður árið 2015 og er að mestu skipaður grískum sjálfboðaliðum. Tyrkneskur blaðamaður greindi fyrstur frá falli Hauks á Twitter og í framhaldinu dreifðust tíðindin í ýmsa tyrkneska fjölmiðla og víðar á samfélagsmiðlum. Kúrdar og Sýrlendingar syrgðu Hauk og kölluðu hann hetju á meðan Tyrkir fögnuðu og sögðu að hryðjuverkamaður væri fallinn. Utanríkisráðuneytið og alþjóðadeild Ríkislögreglustjóra hafa unnið að því að staðfesta dauða Hauks í gegnum stjórnvöld í Tyrklandi og tengslanet alþjóðadeildarinnar en án árangurs. Afrin-hérað er við landamæri Tyrklands en héraðið lýtur stjórn sýrlenskra Kúrda. Sókn Tyrkja inn í héraðið hefur staðið yfir síðan í janúar en þeir njóta liðsinnis sýrlenskra uppreisnarmanna. Þá hafa Tyrkir verið sakaðir um að gera loftárásir á almenna borgara og sömuleiðis hafa uppreisnarmenn þeirra meðal annars verið sakaðir um aftökur borgara og þjófnað. Dæmdar skaðabætur fyrir ólögmæta handtöku Haukur, sem var 31 árs gamall, komst í sviðsljós fjölmiðla hér á landi í nóvember árið 2008 þegar hann dró fána verslunarinnar Bónus að húni á Alþingishúsinu. Haukur var handtekinn af lögreglu tveimur vikum síðar. Lögreglan bar því við að handtakan tengdist eftirstöðvum átján daga fangelsisdóms fyrir að hafa ekki farið eftir fyrirmælum lögreglu þegar hann tók þátt í mótmælaaðgerðum gegn Kárahnjúkavirkjun og stóriðjuframkvæmdum í Reyðarfirði. Fjölmargir mótmælendur mættu í kjölfarið fyrir utan lögreglustöðina við Hlemm vegna handtökunnar, tóku sér stöðu þar og gerðu sumir tilraun til að frelsa hann. Tveimur árum síðar voru Hauki dæmdar 150 þúsund krónur í bætur frá íslenska ríkinu vegna handtökunnar sem var sögð harkaleg og niðurlægjandi.
Mál Hauks Hilmarssonar Sýrland Tengdar fréttir Íslendingur sagður hafa fallið í stríðsátökum í Sýrlandi Haukur Hilmarsson barðist með her sýrlenskra Kúrda í Afrin-héraði. 7. mars 2018 06:00 Byltingin ólgaði í æðum Hauks Hilmarssonar Eva Hauksdóttir birtir hjartnæma minningu um Hauk son sinn. 9. mars 2018 16:40 Eva orðin vondauf um að sonur hennar sé á lífi Aðstandendur Hauks Hilmarssonar hafa fundað með opinberum aðilum. 8. mars 2018 15:51 Mest lesið Engu mátti muna á að alvarlegur árekstur yrði á þjóðveginum Innlent „Það gæti tekið bara fimmtán mínútur að kála þeim“ Innlent Hleypti líklega óvart úr Innlent Inga ætlar ekki að biðjast afsökunar Innlent Þriggja ára barn ráfaði af leikskólanum og í Bónus Innlent Fjöldi ökumanna sektaður fyrir að leggja ólöglega Innlent Skipstjóri handtekinn talinn vera undir áhrifum Innlent „Kemur af sama lager og það sem er selt í partýinu í næsta bæ“ Innlent Pútín lætur sér fátt um finnast Erlent „Ég var örugglega getinn í Land Rover“ Innlent Fleiri fréttir Ólöf Tara yrði hissa en þakklát að gangan sé tileinkuð henni „Ekki bara fávísir hitabeltisbúar sem eru að detta á hausinn“ Yfirleitt Íslendingar sem aki utan vega Skipstjóri handtekinn talinn vera undir áhrifum „Ég var örugglega getinn í Land Rover“ „Valda fleiri húðkrabbameinum en sígarettur lungnakrabbameini“ Göngumaður í sjálfheldu við Hestskarð Ákall um ljósabekkjabann og gengið fyrir Ólöfu Töru Enn rís land í Svartsengi Engu mátti muna á að alvarlegur árekstur yrði á þjóðveginum Hleypti líklega óvart úr Kominn úr lífshættu eftir stunguárás við Mjóddina Gísli Jóns í tveimur útköllum frá miðnætti „Það gæti tekið bara fimmtán mínútur að kála þeim“ Maðurinn er fundinn Ekki sekur um að hafa valdið dauða manns í Kiðjabergi Fagnar áherslum ríkisstjórnarinnar í sjávarútvegi Ræðukóngurinn talaði í rúman sólarhring Miklar bikblæðingar á Norðurlandi Ræðukóngur Alþingis tekinn tali og varað við bikblæðingum á þjóðvegunum Þriggja ára barn ráfaði af leikskólanum og í Bónus Varnarviðbragð húðarinnar að verða brún í sól „Það þarf enginn að vera með vopn nema sérsveitin“ Hitinn 14 til 28 stig í dag: Vara við því að skilja hundinn eftir í bílnum Fjöldi ökumanna sektaður fyrir að leggja ólöglega Akureyri skelfur vegna jarðhræringa við Grímsey Inga ætlar ekki að biðjast afsökunar Tæpur fjórðungur umræðutímans fór í veiðigjöld Þyrlan kölluð út að sækja veikan farþega á skemmtiferðakipi „Kemur af sama lager og það sem er selt í partýinu í næsta bæ“ Sjá meira
Íslendingur sagður hafa fallið í stríðsátökum í Sýrlandi Haukur Hilmarsson barðist með her sýrlenskra Kúrda í Afrin-héraði. 7. mars 2018 06:00
Byltingin ólgaði í æðum Hauks Hilmarssonar Eva Hauksdóttir birtir hjartnæma minningu um Hauk son sinn. 9. mars 2018 16:40
Eva orðin vondauf um að sonur hennar sé á lífi Aðstandendur Hauks Hilmarssonar hafa fundað með opinberum aðilum. 8. mars 2018 15:51