Kylie Jenner opinberar nafn dótturinnar
Kylie Jenner hefur, að því er virðist, svipt hulunni af nafni nýfæddrar dóttur sinnar. Jenner birti mynd af stúlkunni á Instagram-síðu sinni í dag, ásamt nafninu.
Eftir margra mánaða vangaveltur aðdáenda sagði Jenner loksins frá fæðingu dóttur sinnar á sunnudag. Stúlkan kom í heiminn þann 1. febrúar síðastliðinn en hún er fyrsta barn foreldra sinna, Jenner og bandaríska rapparans Travis Scott.
Nú hefur þó losnað um málbein Jenner en hún birti ítarlegt myndband með tilkynningu um fæðingu dótturinnar á sunnudag. Þá opinberaði hún nafn stúlkunnar á Instagram í dag en nýjasti meðlimur Kardashian-fjölskyldunnar heitir Stormi, ef marka má texta sem Jenner skrifar undir myndina.
Stutt er síðan Kim Kardashian, ein systra Kylie Jenner, opinberaði nafn dóttur sinnar og tónlistarmannsins Kanye West. Sú heitir Chicago en hún birtist umheiminum fyrst í téðu myndbandi Jenner á sunnudag.
Tengdar fréttir
Kylie Jenner orðin mamma
Ruanveruleikastjarna er loksins búin að staðfesta orðróminn og sagði sjálf frá gleðifregnunum á Instagram.
Nafn nýfæddrar dótturinnar vísar til heimaslóða Kanye
Kim Kardashian og Kanye West opinberuðu nafnið á nýfæddri dóttur sinni í gær.
