Arnór Guðjohnsen vill 110 milljónir fyrir einbýlishúsið

Athafnamaðurinn Arnór Guðjohnsen hefur sett hús sitt við Kaldalind í Kópavogi á sölu og er kaupverðið 110 milljónir.

Arnór er einn farsælasti knattspyrnumaður Íslandssögunnar og einnig er hann faðir Eiðs Smára Guðjohnsen.

Um er að ræða stórglæsilegt einbýlishús á flottum staði í Kópavogi og eru níutíu fermetra svalir á þaki hússins. Þar er glæsilegt útsýni yfir Kópavog og út á sjó.

Húsið er 250 fermetrar og var það byggt árið 2001. Fasteignamat eignarinnar er 85 milljónir en hér að neðan má sjá myndir af þessari fallegu eign.

Fleiri myndir og nánari upplýsingar um eignina má nálgast hér.