Nafn stúlkunnar sem lést í bílslysi á Grindavíkurvegi

Stúlkan sem lést í umferðarslysi á Grindavíkurvegi í gær hét Alma Þöll Ólafsdóttir. Slysið átti sér stað norðan við afleggjarann að Bláa lóninu á níunda tímanum í gærmorgun.

Alma Þöll var átján ára gömul og var búsett í Grindavík en bænastund verður haldin í Grindavíkurkirkju klukkan átta í kvöld vegna andláts hennar.

Tveir bílar voru í þessu bílslysi en í öðrum þeirra voru tveir erlendir ferðamenn. Annar þeirra var fluttur alvarlega slasaður á gjörgæsludeild Landspítalans. Tildrög slyssins eru til rannsóknar hjá lögreglunni á Suðurnesjum.