Eldri borgarar leggjast gegn lokuninni

Félag eldri borgara á Selfossi vill að komið verði í veg fyrir að dvalarheimilinu Kumbaravogi verði lokað eins og boðað er að verði gert í lok mars.

„Beinir stjórn FEB á Selfossi þeim eindregnu tilmælum til framkvæmdastjóra og bæjarstjórnar Sveitarfélagsins Árborgar, að þau bregðist skjótt við og einbeiti sér að viðunandi lausn þessa máls fyrir vistfólkið á heimilinu, með tafarlausum viðræðum við heilbrigðisyfirvöld og stjórnendur að Kumbaravogi,“ segir í ályktun sem lögð var fram í bæjarráði Árborgar.

Bæjarráðið segist fylgjast vel með framvindu málsins. 

Fréttin birtist fyrst í Fréttablaðinu