Söfnun til styrktar fjölskyldu Ölmu Þallar

Komið hefur verið af stað söfnun til styrktar fjölskyldu Ölmu Þallar Ólafsdóttur sem lést 12.janúar síðastliðinn í bílslysi á Grindavíkurvegi.

Guðrún Jóna Magnúsdóttir, fjölskylduvinur, stendur að baki söfnuninni og segir mikilvægt að leggja fjölskyldunni lið á þessum erfiðu tímum. Hún leggur áherslu á, í samtali við Vísi, að margt smátt geri eitt stórt og hvetur sem flesta til að styrkja fjölskylduna.

Fólk er beðið um að leggja inn á reikning Óla Björns Björgvinssonar, en hann er maður Guðrúnar Jónu. Kennitala og reikningsnúmer eru eftirfarandi:

kt.111167-5409 

Reikningsnúmer: 0143-05-060699



Færslu Guðrúnar má sjá hér að neðan:

Kæru vinir, vinir vina og allir sem þetta lesa! Ung stúlka Alma Þöll Ólafsdóttir var hrifin á brott frá fjölskyldu og vinum fyrirvaralaust í hræðilegu bílslysi á Grindavíkurvegi þann 12. janúar síðastliðinn. Áfallið er mikið fyrir aðstandendur, ættingja, vini og skólafélaga. Gegn almættinu er máttur manns lítill en sem hluti af samfélagi getur maður létt undir með fjölskyldunni. Við hjónin viljum leggja okkar af mörkum og koma af stað söfnun til handa Óla Má og Lóu. Við vitum að þarna úti er fólk sem hugsar það sama og við og er tilbúið að leggja til aura með það í huga að margt smátt gerir eitt stórt. Við viljum ekki bíða eftir mánudeginum og því er bankabók í nafni Óla Björns Björgvinssonar kt.111167-5409 banki 0143-05-060699 tileinkuð þessari söfnun. Vonumst til að sem flestir sjái sér fært að leggja inn og eiga þátt í að létta undir með fjölskyldunni á þessum erfiðu tímum. Ást og friður til ykkar allra. 

P.S. Það væri þakkarvert ef þið mynduð deila þessu áfram til ykkar vina og svo koll af kolli svo sem flestir geti lagt sitt af mörkum.