Recep Tayyip Erdogan Tyrklandsforseti segir Evrópusambandið ekki lengur geta beitt hann þrýstingi með hótunum um að slíta aðildarviðræðum við Tyrkland eða ógilda samninginn um flóttamenn.
Eftir þjóðaratkvæðagreiðsluna í Tyrklandi í næsta mánuði muni hann ekki láta sig þetta tvennt neinu varða. Hann muni byggja upp algerlega nýtt Tyrkland.
Hann segir Evrópusambandið vera fasískt og grimmilegt. Ástandið í Evrópu núna minni sig á aðdraganda seinni heimsstyrjaldarinnar.
Í þjóðaratkvæðagreiðslunni 16. apríl taka Tyrkir afstöðu til stjórnarskrárbreytinga, sem eiga að tryggja Erdogan stóraukin völd á kostnað bæði þings og ríkisstjórnar.
Erdogan hefur líkt bæði hollenskum og þýskum stjórnvöldum við nasista.
Fréttin birtist fyrst í Fréttablaðinu.
Erdogan segir ESB fasískt
Tengdar fréttir
Tyrkir hóta að binda enda á flóttamannasamkomulagið
Erdogan segir „anda fasisma“ hömlulausan í Evrópu.
Erdogan við Tyrki í Evrópu: „Eignist fimm börn en ekki þrjú“
Segir þau tákna framtíð heimsálfunnar.
Kúrdar í Þýskalandi létu Erdogan heyra það
Um þrjátíu þúsund Kúrdar tóku þátt í mótmælum í Frankfurt í gær.
Fleiri fréttir
