Arna Stefanía í öðru sæti

Arna Stefanía Guðmundsdóttir lenti í öðru sæti í 400 metra grindahlaupi kvenna á Evrópubikarkeppni landsliða í frjálsum íþróttum,  í Tel Aviv í dag.

Arna Stefanía hljóp 400 metrana á 57.00 sekúndum en í fyrsta sæti var Agata Zupin frá Slóveníu á tímanum 56.80. Arna var ekki langt frá því að hreppa fyrsta sætið.

Tólf keppendur voru mættir á brautina í dag en í þriðja sætinu var Daniela Ledecka frá Slóvakíu á tímanum 59.06.

Lið Íslands heldur keppni áfram í dag en Ísland sendi 32 keppendur til leiks í Tel Aviv. Hægt er að fylgjast með dagskrá og úrslitum keppninnar hér.