Gylfi er sá duglegasti í ensku úrvalsdeildinni

Gylfi Þór Sigurðsson hefur farið á kostum með Swansea City í ensku úrvalsdeildinni á þessari leiktíð. Hann skapar mest en hleypur líka mest.

Gylfi hefur alls komið með beinum hætti að 19 mörkum liðsins (8 mörk og 11 stoðsendingar) en enginn í deildinni hefur gefið fleiri stoðsendingar.

Það hefur verið fjallað vel um allar stoðsendingar Gylfa og það hann hafi gefið fleiri slíkar en allar hinar stórstjörnurnar í ensku úrvalsdeildinni en önnur tölfræði sýnir að sannar að hann er líka sá duglegasti í deildinni.

Gylfi hefur alls hlaupið 318,2 kílómetra í leikjum Swansea City á leiktíðinni eða fleiri kílómetra en allar leikmenn ensku úrvalsdeildarinnar 2016-17.

Swansea City segir frá þessari staðreynd á opinberri twitter-síðu sinni en þetta þýðir einnig að það finnast varla betri liðsfélagar en íslenski landsliðsmaðurinn.

Gylfi er nefnilega að hlaupa úr sér lungum í hverjum leik og þá er hann að leggja upp færi fyrir félaga sína hægri, vinstri. Það er ekki slæmt að hafa slíka leikmann í sínu liði.

Það er vissulega önnur staðreynd sem hjálpar okkar manni upp í efsta sætið á þessum tölfræðilista. Gylfi er ekki aðeins duglegur að hlaupa í leikjum Swansea heldur missir hann ekki af leik og spilar allar 90 mínúturnar í næstum því öllum leikjum sínum.

Here's a stat for you...

Gylfi Sigurdsson has covered more ground (318.2km) than any other player in the @premierleague this season. pic.twitter.com/FV8TxzbtAf

— Swansea City AFC (@SwansOfficial) March 14, 2017