Skelfilegar aðstæður í Houston: Veiddi fisk inni í stofu með berum höndum

Búist er við að um hálf milljón manna þurfi að sækja sér hjálp vegna fellibylsins Harvey sem kom að landi í Texas á föstudaginn og er nú skilgreindur sem hitabeltisstormur.

Allt að þrjátíu þúsund gætu þurft að hafast við í neyðarskýlum og það versta virðist ekki yfirstaðið.

Alls hefur 75 sentímetra úrkoma fallið í Houston, fjórðu stærstu borg Bandaríkjanna og eru heilu hverfin á floti.

Ástandið í Houston er skelfilegt og hefur eitt myndband vakið gríðarlega mikla athygli en þar má sjá mann veiða fisk inni í stofunni hjá sér.

Það var Viviana Saldana sem tók myndbandið upp af eiginmanni sínum og sýnir það við hvaða aðstæður fólk þarf að lifa við eftir hitabeltisstorminn Harvey.