Sjáðu markið sem Gylfi lagði upp og öll hin mörkin úr leikjum gærdagsins | Myndbönd

Gylfi Þór Sigurðsson lagði upp mark Swansea City í 2-1 tapi fyrir Hull City í fallslag í ensku úrvalsdeildinni í gær.

Þetta var ellefta stoðsending Gylfa í ensku úrvalsdeildinni í vetur en enginn leikmaður í fimm bestu deildum Evrópu hefur lagt upp fleiri mörk en íslenski landsliðsmaðurinn.

Oumar Niasse skoraði bæði mörk Hull sem er nú aðeins einu stigi frá öruggu sæti.

Joshua King skoraði þrennu og klúðraði vítaspyrnu þegar Bournemouth vann afar kærkominn sigur á West Ham United, 3-2.

Þá vann Everton öruggan sigur á West Brom í leik liðanna í 7. og 8. sæti deildarinnar. Kevin Mirallas, Morgan Schneiderlin og Romelu Lukaku skoruðu mörk Everton sem er á góðu skriði.

Öll mörkin úr leikjum gærdagsins má sjá hér að neðan.