Þrír byrja sinn fyrsta leik fyrir England í kvöld

Gareth Southgate, landsliðsþjálfari Englands, ætlar að gefa þremur nýliðum sinn fyrsta byrjunarliðsleik í kvöld þegar að England tekur á móti Þýskalandi á Wembley.

Tammy Abraham, framherji Swansea, Ruben Loftus-Cheek, miðjumaður Crystal Palace, og Jordan Pickford, markvörður Everton, verða allir í byrjunarliðinu samkvæmt heimildum Sky Sports.

Southgate er sagður ætla að spila með fimm manna varnarlínu í kvöld en Kieran Tripper og Danny Rose verða bakverðir og þeir Harry Maguire, John Stones og Phil Jones í miðvarðarstöðunum.

Jake Livermore verður á miðjunni með Eric Dier sem verður fyrirliði í fjarveru Jordans Hendersons og Harry Kane. Báðir eru frá vegna meiðsla.

Loftus-Cheek spilar svo fyrir aftan framherjaparið Jamie Vardy og Tammy Abraham en hann hefur spilað vel á láni hjá Swansea frá Chelsea.

Líklegt byrjunarlið Englands: Pickford, Trippier, Maguire, Stones, Jones, Rose; Dier, Livermore, Loftus-Cheek; Abraham, Vardy.