Schäuble nýr forseti þýska þingsins

Wolfgang Schäuble hefur verið gerður að forseta þýska þingsins en meirihluti þingmanna samþykktu þetta í morgun.

Valið á Schäuble, sem gegndi embætti fjármálaráðherra Þýskalands á árunum 2009 til 2017, kemur ekki á óvart.

Þetta var í fyrsta sinn sem þýska þingið kom saman frá því að þingkosningar fóru fram í landinu 24. september síðastliðinn.

Hinn 75 ára Schäuble tekur við embættinu af flokksbróður sínum, Norbert Lammert. Schäuble tók fyrst sæti á þýska þinginu árið 1972 og var leiðtogi Kristilegra demókrata á árunum 1998 til 2000.

Þingmenn á þýska þinginu eru nú 709 talsins og hafa aldrei verið fleiri.