Eva datt klaufalega í miðri upphitun

„Það er ýmislegt sem maður nær að festa á filmu þegar við erum með símana á lofti! Hérna er til dæmis eitt sprenghlægilegt augnablik þegar Eva Ruza Miljevic dettur í miðri upphitun.“

Svona hljóðar færsla frá samfélagsmiðlafyrirtækinu Sahara en Eva stjórnaði upphitun fyrir kvennahlaupið í Mosfellsbænum í gær.

Í miðri upphitun hrasaði Eva nokkuð illa og stökk síðan eftir á fætur, og hélt upphitun áfram. Mjög faglega gert en á Facebook má sjá myndband af atvikinu.

Um 10.000 konur tóku þátt í Sjóvá Kvennahlaupi ÍSÍ í dag. Tekið var þátt á yfir 80 stöðum víðsvegar um landið og er þetta í tuttugasta og áttunda sinn sem kvennahlaupið fer fram.

Hér að neðan má sjá myndband af atvikinu.