Fannst alvarlega slasaður á Nesjavallavegi

Hjólreiðamaður er alvarlega slasaður og var fluttur á slysadeild eftir að hann fannst meðvitundarlaus á Nesjavallavegi um klukkan 14 í dag.

Vegfarendur komu að honum þar sem hann lá meðvitundarlaus á jörðinni við hjólið. Ekki liggur fyrir hvað olli slysinu samkvæmt upplýsingum frá slökkviliðinu á höfuðborgarsvæðinu.

Greiðlega gekk að koma honum á slysadeild en settar voru upp lokanir á Miklubraut og Háaleitisbraut til að flýta fyrir för sjúkrabílsins.