Maíspá Siggu Kling - Nautið: Þetta er ástartími

Elsku Nautið mitt, það er svo spennandi kitl í maganum hjá okkur nautunum núna og það er eins og þú sért að sjá endinn á einhverri dásamlegri bíómynd því þú ert svo spennt. Þú ert með marga bolta á lofti og núna þarftu bara að ákveða þig hvaða diskó þú ætlar að taka og með hverjum þú ætlar að dansa. Vinir og manneskjur sem þú þekkir lítið sem ekkert munu koma þér á óvart með umhyggju og ást.

Það sem þú ert búið að vera að klóra þér í kollinum yfir síðan í byrjum janúar, hvernig þetta mun ganga allt saman, er núna að renna upp fyrir þér eins og ljós og þú sérð að það var tilgangur með öllu amstrinu.

Margar persónur í kringum þig langar beinlínis að éta þig og þess vegna er bara alveg ágætt að slökkva stundum alveg á símanum og taka sér smá andlega friðarpásu inni á heimilinu.

Ef þú ert á framabraut og langar í spennandi tilboð þá er það að gerast – bara meðan þú ert að lesa þessa spá. Hugrekki þarf að vera lýsandi orð sem þú skalt nota á hverjum degi til þess að leysa þær þrautir sem þér sýnist að séu þarna. Segðu það oft með þér: „Ég er svo hugrakkt,“ það mun hjálpa mikið því að orð eru jú álög.

Þú átt eftir að nota þessa dásamlegu töfra til að hafa áhrif til góðs í kringum þig, blandaðu bara svolitlum húmor við það sem þú þarft að segja og ef þú þarft að biðja um eitthvað þá færðu það sem þú vilt á silfurfati. Það er frjósemisvor hjá þér sem tengist mögnuðum hugmyndum, fæðingum og óléttu. Eitthvað af þessu er beintengt til þín. Þú munt alls ekki setja þig í fyrsta sæti, það er ekki í eðli þínu, en þótt þú setjir þig ekki í fyrsta sæti þá gera aðrir það. Þú átt eftir að njóta mikillar virðingar á þessu vori svo láttu hendur standa fram úr ermum og gerðu það sem þú vilt því velgengnin er með þér .

Þú ert algerlega ómótstæðilegt fyrir hitt kynið því hin blíða stjarna Venusar er náttúrulega stjarnan þín. En þú verður að vita hvað þú vilt í þessum efnum og vera skýrt og skrifa lista með allavega tíu atriðum um hvað þú myndir vilja sjá í maka þínum. Þú getur orðið svo yfir þig ástfangið og þá hættir þú alveg að hugsa rökrétt. Venus stendur við hliðina á þér og þú þarft ekkert meira, þetta er ástartími.

Mottó: Sól, sól skín á mig.

Knús og kossar, Sigga Kling

Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur.