Jón Axel öflugur þegar Davidson vann efsta liðið

Jón Axel Guðmundsson og félagar í körfuboltaliði Davidson háskólans eru komnir í undanúrslit Atlantic 10 deildarinnar eftir óvæntan sigur á Dayton, 69-73, í kvöld.

Jón Axel átti fínan leik í liði Davidson. Grindvíkingurinn spilaði 34 mínútur; skoraði níu stig, tók fimm fráköst og gaf þrjár stoðsendingar.

Jón Axel hitti úr tveimur af fjórum skotum sínum utan af velli og nýtti öll fjögur vítin sem hann tók.

Eins og áður sagði var sigurinn óvæntur en Davidson endaði í 8. sæti Atlantic 10 deildarinnar en Dayton í því fyrsta.