Víða frost á Norðurlandi í nótt

Skúrir og rigning eru í kortunum næstu daga samkvæmt hugleiðingum veðurfræðings hjá Veðurstofu Íslands. Kólna á í veðri um miðja næstu viku.  Fremur hæg vestlæg átt í dag en norðvestan 13-18 m/s austast í fyrstu. Skýjað með köflum og sums staðar lítilsháttar væta, einkum norðanlands en bjartviðri á Suðausturlandi og Austfjörðum. 

Fremur milt í veðri síðdegis og þar sem sólin lætur sjá sig má búast við haustblíðu. Það verður léttskýjað í kvöld norðanlands og því má búast við vægu frosti í innsveitum þar í nótt. 

Austan 5-10 sunnanlands á morgun en hvassari vindur við suðvesturströndina, um 15 m/s. Fer að rigna um sunnanvert landið í fyrramálið en hægari vindur norðan heiða og skýjað með köflum. Kólnar heldur í veðri. Austan áttin heldur sér svo fram að helgi og kemur með rigning af og til en bjartara verður norðanlands. Hiti breytist lítið fram að helgi.



Veðurhorfur á landinu næstu daga:

Vestlæg átt 3-8 m/s en norðvestan 13-18 m/s austast og lægir þar með morgninum. Skýjað með köflum og sums staðar lítilsháttar væta, en bjartviðri á Suðausturlandi og Austfjörðum. Hiti 5 til 10 stig síðdegis, en víða frost í innsveitum norðanlands í nótt. Austan 8-15 við suðvestanlands í fyrramálið og fer að rigna um sunnanvert landið en hægari vindur norðan heiða og skýjað með köflum. Hiti 4 til 9 stig.



Á föstudag:

Austan 8-13 m/s og rigning, en hægari vindur og bjartviðri á norðanverðu landinu. Styttir upp S-til um kvöldið. Hiti 5 til 10 stig.

Á laugardag:

Suðvestan 5-10 og súld eða dálítil rigning, en bjartviðri norðaustantil á landinu. Hiti 6 til 12 stig.

Á sunnudag:

Sunnan 5-10 á vestanverðu landinu og lítilsháttar skúrir, en þurrt í öðrum landshlutum. Þykknar upp víða um land um kvöldið og fer að rigna sunnanlands. Hiti breysist lítið.

Á mánudag:

Breytileg átt 3-10, en norðaustan 10-15 á Vestfjörðum. Rigning um allt land og hiti 5 til 10 stig.



Á þriðjudag:

Austlæg- eða breytlegátt og rigning um landið sunnanvert en skýjað með köflum norðanlands. Hiti 3 til 8 stig.

Á miðvikudag:

Líkur á norðanátt með rigningu, en úrkomulítið á sunnanverðu landinu. Kólnar heldur í veðri.