Ólafur kominn í nýtt starf

Ólafur Arnarson, fyrrverandi formaður Neytendasamtakanna, hefur verið ráðinn ráðgjafi stjórnar Samtaka fiskframleiðenda og útflutningsfyrirtækja (SFÚ).

Rétt tæpur mánuður er liðinn frá því að Ólafur sagði af sér sem formaður Neytendasamtakanna eftir ágreining innan stjórnar samtakanna. Stjórnin lýsti yfir vantrausti á hann þar sem hún taldi hann hafa farið óvarlega með fé. Hann sagði af sér 10. júlí síðastliðinn en fyrsta frétt sem hann er skráður fyrir og birtist á heimasíðu SFÚ var 18. júlí.